Popular Bible Verses from Salmos 91

Share

Aints Yus wina ejarkati tusa, Yusen nekas juuntan tura nekas kakarman seatas wakerakka tu seatnuitai: “Ameketme wina ayamrutkatnumka, tura wina ejarkatnumka. Tura wina Yusur asakmin, wikia amin nintimtusan pujajme”.

Aints Yus wina ejarkati tusa, Yusen nekas juuntan tura nekas kakarman seatas wakerakka tu seatnuitai: “Ameketme wina ayamrutkatnumka, tura wina ejarkatnumka. Tura wina Yusur asakmin, wikia amin nintimtusan pujajme”.

Tura wina yainkata turutinamtaikia, wikia yaingtinuitjai, tura nijai tsaniasan pujustinuitjai. Tura napchau nintimsar pujuinamtaikia angkanmamtikiatnuitjai. Tura nu aintsnaka pachisan: Nekas pengkeraitai titinuitjai.

Ame tuni wekaame nunisha Yus ni awemamuri irunun amin waitmakarat tusa inatmartatui.

Atash ni uchichirin nanapejai tektuk pujawa nunisang waitmaktinuitai. Tura ni wait anengkratairi tantaara tumau asamtai, nekasam wina ejarkatnuitme tusam, pengker nintimsam pujustinuitme.

Yus nayaimpinam puja nuka wina ejarkatnuitai tusam, tura wina ayamrutkatnuitai tau asam, pasé aa nuka wainkashtinuitme, turasha sungkursha jeemningkia utuashtinuitai.

Yusek ningki amin ayamrutmaktinuitai. Tura sungkur ainamunmasha ningki amin tsuwarmartinuitai.

Ame menarminini untsuri aints sungkurjai jainau wainiatmek, tura ami untsurminini untsuri aintsun maainau wainiatmek, ameka jakashtinuitme.

Tura kashisha mantuwarai tusam, tura tsawaisha tsentsak wina tukuri tusam, shamtsuk pujustinuitme. Tura teetisha iwianch achirkai tusam, tura tsawai sungkur achirkai tusam, nuka nintimtsuk shamtsuk pujustinuitme.