Popular Bible Verses from Salmos 46

Share

Nintimrataram. Turasha juuwaitai Yus tusaram nekarataram. Yus chichaak: Wikia mash nungkanmaya ainaun inawaitjai tawai.

Yusketai iin ejarmaktinka. Tura iin kakamtikramratnuka nuketai. Ii shamakur pujakrincha, iin yainmaktinka nuketai. Tura asamtai nungka yumpunmataisha, tura mura ainau juun entsa kunarin ujungmau amataisha shamkashtinuitji.

Kichik entsa ni kanaichirijai Yus ni yaktarin pujuinaun waramtikui. Nu yaktaka chikich yakat ainaun nangkamasang nekas Yuse yaktarintai. Yuska nu yakta japen pujau asa, chikich aints ainaun yumpungkai tusa wainui. Kintajai metek tsawaaramtai, Yuska ni aintsri ainaun yayaawai.

Mash nungka ainamunam meset inaisataram tusa surimrukmiayi. Tura asa tishimuk ainaun kupikmiayi. Tura nangki ainauncha charukmiayi. Nuniasha mesetnum wekaatai ainauncha keemakmiayi.