Popular Bible Verses from Proverbios 3

Share

Ami Apuram Yus tuke nintimaurmijai nintimtusta. Antsu amek: Wikia nintipitjai, tuuka nintimtumasaip. Ame warí turame nuka Apuram nintimsam turata. Nu turakminkia ni jinti nekas tupin aa nuna inakturmastatui.

Wikia mash nekajai. Witsukaitja chikich ainaun nangkamasnak timia nekauna tuuka nintimtumasaip. Antsu Apuram pengker awajsata, tura tunausha inaisata.

Kuik juwame nuka tuu ajanmaya araka juwame nusha akankam Yus tuke susata. Nu turakmeka ajanmaya juuktatme nuka nukap yujartinuitai. Tura amutirmesha amukashtinuitai.

Tura nekas chicham ainauka tura wait anengkrataisha pengkej inaisaip. Antsu aints ainau shaak nungkurtinua nunismek kajinmatsuk nintinam nintimsam pujusta.

Uchiru, aints ni uchirin aneau asa, pengke aints ati tusa, wait wajaktinun susatnuitai. Tura asamtai, uchiru, Apuram amin anenmau asa, wait wajaktinun suramsamtaisha nuka nakitraip.

Uchiru, wi akupamurun unuiniajme nu kajinmatsuk tuke nintimin ukusta. Nuka timiatrusmek umirkumka, nukap musach pengker nintimsam pujusam warastinuitme.

Nekatniuka kuikian nangkamasang pengkeraitai, tura paan nintimratniuka kurin nangkamasang iin yainmaktinuitji. Aints paan nintimratniunka tura nekaatniunka juwawa nuka nekas warastinuitai. Paan nintimratnuka kaya nekas akik aina nuna nangkamasang paan nintimratniuka timiá wakerumaintia. Tura asamtai nuna nangkamaska timiá pengkerka atsawai.

Aints ainau yuminamtaikia, ame yaingmin akumka, wait anentakum pachitsuk yaingta.

Ii Apuri Yuska ni nekatairijaingkia ningki nintimias nungkancha, tura nayaimpincha najanamiayi.