Popular Bible Verses from Proverbios 22

Share

Uchi pengker pujusti tusam nuiniarta. Tura nunia juunmar ame chicharkamurmin pengké kajinmakchatnuitai.

Aints: Wikia mianchawaitjai tumaminauka Apu Yusen umirkar pujusar yumakchartin ainawai. Turinamtai chikich aints ainauka niin pachisar: Pengke aintsuitai tiartin ainawai. Tura asaramtai untsuri musach pujusartin ainawai.

Aints ainau iin pachitmasar: Nuka pengke aintsuitai tiartinka kurin tura kuikian nangkamasang timiá pengkeraitai.

Aints suir nekapniujai tsaningkaip. Turasha aints kajeu aina nujaisha iruntsuk asata.

Aints wait anengkratniuka yuuminak pujuinaun yurumkan ajamin asamtai, pengker awajsamu atinuitai.

Aints paan nintimua nuka itiurchatnaka wári nekaa kiishmaktinuitai. Antsu aints nintinchauka itiurchatnaka nekaatsuk wait wajaktinuitai.

Kuikiartin ainauka kuikiartichu ainau apuri ainawai. Tura aints tumaashmiaunka niin tumaashin susamia nuna inatairi wajawai.

Aints kuikiartin ainauncha tura kuikiartichu ainauncha mai metek Apu Yuska najanamiayi.

Aints kuikiartichu asamtai, ni warinchurin pengké atankiip. Tura yamrumichu ainaun chicham nekamtikniunam jukimka waitkasaip. Kame, Apu Yus kuikiartichu ainaun ayamrin asa, yamrumichu ainaun waitkina nunasha nunisang waitkatnuitai.