Popular Bible Verses from Proverbios 19

Share

Aints ainau ningki wakerinak: Wikia nuna turatatjai tusar nukap nintimsar pujuinawai. Antsu Apu Yus ningki wakerak: Tu ati tusa tsangkatkatnuitai.

Aints kuikiartichun waring achat susatata nuka Apu Yusen ikiastinuitai. Tura asamtai Apu Yus ni ikiasmaurin awangtuktinuitai.

Aints paan nintimniuka wárikia kajekchatnuitai. Tura chikich aints ainau niin pachisar pase chichainamtai, ningki titi tusa pachischatnuitai.

Aints ainau amin chichartaminamtaikia umirkata. Turasha nuitaminamtaikia pengker anturkata. Nu turakmeka ukunam paan nintimin atinuitme.

Apu Yusen umirinak pujuinauka tuke iwiaaku pujusartin ainawai. Tura asar aints tu pujuinauka pengker nintimsar pujusar iturkachminaka waintsuk ayamsartin ainawai.

Aints pengker nintimniuka nangkamikia anenmamakapujatsui. Antsu nintip wajastaj tusa, nukap nuimiaru asa, nekas pengker pujustinuitai.

Uchiram anturtamchamtaikia chicharkata. Tura mesrai tu nintaimsam waurtsuk turata.

Aints nekas aa nuna nekayat, chicham nekaschaun anangkak etsera nuka ni wait wajaktintrin nekas jukitnuitai. Turasha waitrinka nekas jakatnuitai.