Popular Bible Verses from Roma 14

Share

Vuza u yaꞋan baci kadanshi ko tsugono tsu Ka̱shile, wi a kadanshi ka̱ wila̱ u kulyaꞋa n kusoꞋo ba, amma wi ta̱ a kadanshi ku ukuna wu usuɓi, m ma̱ta̱na̱, m ma̱za̱nga̱ ma na Ayinviki a̱ Ka̱shile e ci neke. Vi yaꞋanka baci kpamu Kirisiti Kishi tsugbashi a uye u nam pa, vu saꞋa ta̱ Ka̱shile ka̱ɗu ka̱ta̱ uma kpamu a̱ ushuku n avu.

Ci baci n wuma, adama a Vuzagbayin a ɗa ci n wuma, tsu kuwa̱ baci kpamu, adama a Vuzagbayin a ɗa tsu kuwa̱i. Adama a nannai, ko ci n wuma ko tsu kuwa̱, a̱tsu aza a Vuzagbayin a ɗa.

Adama nan lo ta na, sai tsu gbagbala ayin tutu ci yaꞋan ili i na i tsu tuka̱ m ma̱ta̱na̱ n i na i tsu ɓa̱nka̱ a̱ ubuta̱ u kunekenei katsura.

Sai tsu ka̱sa̱kpa̱ kuyaꞋankpanai afada. I kucikpa i sheshe punu a̱ a̱ɗu a̱ ɗa̱ uteku u na i kukpa̱ɗa̱ kuzuwa uma kuta̱ɗa̱tsa̱ ko a̱ yikpa̱ a̱ ubuta̱ wu unushi.

Punu a Katagarda ka Ciɗa, Ka̱shile ka danai: “Mpa a̱ ka̱ci ka̱ va̱ n kuyaꞋanka ɗa̱ ta̱ uzuwakpani a na yaba dem u kukuɗa̱ngu wa̱ va̱. Yaba dem u kudansa ta̱ sakaɗi a na mpa ɗa Ka̱shile.” Yaba dem sai u dana Ka̱shile ili i na u yaꞋin, n ili i na i zuwai ɗa u yaꞋin nannai.

Rabasai aza o Kutoni a Vuzagbayin ra̱ka̱, ali n aza a na uneki u ka̱ɗu u le u tsurakpai ba. Ka̱ta̱ i yaꞋan kanananai n ele adama a ili i na a ɗikai derere ɗa ko unushi u ɗa ba.

U gaꞋan vi yaꞋanka kagbashi ka vuza yoku afada ba. VuzakpaꞋa ɗaɗa u ci sheshe ko kagbashi ka ki a kuyaꞋan ulinga u singai ko wi a kuyaꞋan ulinga u singai ba. Utsura u Vuzagbayin wi ta̱ a̱ kuɓa̱nka̱ agbashi a̱ ni a yaꞋan uteku u na u yotsoi.