Popular Bible Verses from Kene 9

Share

Amma uma a na a̱ kpa̱ɗa̱i kukuwa̱ nu ndukpa̱ n nan lo ali n gogo na a̱ ka̱sa̱kpa̱ ulinga u gbani-gbani u le ba. A lyaꞋi kelime n kucikpa wunla̱i u gbani-gbani n a̱ma̱li a na a̱ luwa̱i n azurufa n azanariya, n iyum i shili. Ɗa kpamu e sheꞋwei o yoku n atali, nu nɗanga. A̱ma̱li a nam pa e ce ene ko a pana ko a wala ba! Uma a nam pa a̱ ka̱sa̱kpa̱ munanai, ko kuyaꞋan nkunu n na n laꞋi m gbani-gbani, ko tsugbani, ko uboki ba.

Ɗa akyuꞋun n a̱bunda̱i a̱ uta̱i ɗe a̱ ka̱nga̱ ka, ɗa a̱ cipa̱i a iɗika, ɗa e nekei le utsura u na a taɗa uma tsa adyaɓu. Ɗa a danai le, “U gaꞋan ta̱ i taɗa aza a na i babu urotu u Ka̱shile a̱ a̱ca̱n e le. Amma ka̱ta̱ i taɗa nɗanga ko ica̱Ꞌa̱shi ba.”

Ɗaɗa kalingata ka tawun ka̱ lika̱i kavana ka̱ ni. Ɗa me enei ili an kazangata ka na ka̱ yikpa̱i a iɗika. Ɗa kazangata ki isai kagbaguratsu adama a na u ɓa̱yuwa̱ kpenle ku zururu.

Ka̱shile ka zuwai le e neke uma mɓa̱la̱ ka̱u n a̱bunda̱i n na n laꞋi n na m buwai, ali wotoi u tawun, amma u ka̱sa̱kpa̱ a una le ba. Mɓa̱la̱ n na a kupana n yotso ta̱ uteku u na kudyaɓu ku tsu taɗa vuza ka̱ta̱ u ɓa̱la̱.

Mogono me le a̱yi ɗa kalingata ka na ki a kulyaꞋa tsugono e kpenle ku zururu. Kula ku ni ku ɗa MalyaꞋi. (N ci Ciyahuda ɗaɗa Abadon, n Cihelene† ɗaɗa Afoliyon).