Popular Bible Verses from Filibiya 1

Share

Ka̱shile kaꞋa vuza na u gita̱i ulinga u singai u nam pa wa̱ ɗa̱, n yeve ta̱ kpamu mayun wi a̱ kuka̱sa̱kpa̱ ba, sai ulinga u nam pa u kotso cika a kanna ka na Yesu Kishi u kubono.

N vasa ta̱ maciganai ma̱ ɗa̱ ma yimkpa ka̱u ali ma laꞋa nannai. N vasa ta̱ i lyaꞋa kelime n kugbonguro a̱ ubuta̱ u kuyeve n ugboji. N vasa ta̱ tsu nam pa adama a na n ciga ta̱ i yeve ili i na i gaꞋin mayun, ka̱ta̱ i ciya̱ i yongo n wuma u ciɗa n u babu ishikushi ali Kishi ko bono.

Mi baci n wuma, adama a̱ Kirisiti Kishi a ɗa, n kuwa̱ baci ta na, mi ta̱ a̱ kuciya̱ katsupu ka̱ a̱bunda̱i.

N ci cikpa ta̱ Ka̱shile ayin dem a na n ciɓai n a̱ɗa̱.

Amma ili i na baci i ta̱wa̱i dem, mayun ɗa i yongo tsu na u kutuka̱ tsugbayin a̱ ubuta̱ wa Arabali a Singai adama a̱ Kishi. Ko n ta̱wa̱ me ene ɗa̱ kpamu ko m pana baci uteku u na yi ɗe koci, mi ta̱ e kuyeve a na yi kashani koɓolo, a kugbagbala adama a na i ciya̱ aza o yoku e neke a̱ɗu n Arabali a Singai a.

N ciga ta̱ n yongo ayin tutu tsu na n kukpa̱ɗa̱ kuyaꞋan ili i na i kuzuwa mu m pana wono, amma n kucikpa n yaꞋanka Kishi tsugbashi babu wovon ayin tutu. Mi n wovon n ayin a na a lazai ɗe ba, n ciga ta̱ kpamu n yaꞋan n utsura gogo na n kelime feu adama a na n neke Kishi tsugbashi ayin tutu, ko mi n wuma ko n kuwa̱.

Adama e Yesu Kishi, Ka̱shile ke neke ta̱ ili i singai i kuneke ka̱ɗu n a̱yi, ɗa feu u nekei ɗa̱ ili i singai ya atakaci adama a̱ ni.