Popular Bible Verses from 2 Korintiya 1

Share

Cikpai Ka̱shile a̱yi na wi Esheku a Vuzagbayin vi Yesu Kirisiti Kishi vu tsu! Ka̱shile a̱yi ɗa Dada vu na wi n asuvayali n a̱bunda̱i n kadanshi ka kuvaꞋanka ka̱ɗu ra̱ka̱. Ci baci n una̱mgbuka̱tsuma̱, u ci neke tsu ta̱ kadanshi ka kuvaꞋanka ka̱ɗu, adama a na ci neke feu uma kadanshi ka kuvaꞋanka ka̱ɗu. Ayin a na baci aza o yoku i n una̱mgbuka̱tsuma̱, ka̱ta̱ tsu fuɗa ci neke le kadanshi ka kuvaꞋanka ka̱ɗu uteku u na Ka̱shile ke nekei tsu.

Mayun ɗa tsu soꞋo atakaci ka̱u adama a̱ Kirisiti Kishi. Mayun ɗa kpamu ci isa kadanshi ka kuvaꞋanka ka̱ɗu ka̱u adama a̱ Kirisiti Kishi.

Mayun ɗa, tsu dana ta̱ ci ta̱ a̱ kukuwa̱. Amma ili i nam pa i zuwa tsu ta̱ ci gita̱ kuneke a̱ɗu a̱ tsu u Ka̱shile, n ka̱ci ka̱ tsu ka ba, adama a na a̱yi ɗa vuza na u tsu ɗengusa̱ a̱kpisa̱.

Ciɓai, Ka̱shile a̱yi ɗa vuza na u zuwai a̱tsu n a̱ɗa̱ dem ci yaꞋan utsura u Kirisiti Kishi. Ka̱shile, a̱yi ɗa kpamu u zagbai tsu. Ɗa u zuwakai tsu urotu u na a̱tsu uma a̱ ni a ɗa ci koci. U nekei tsu kpamu Ayinviki a̱ Ka̱shile a̱ a̱ɗu a̱ tsu an uzuwi u kaguta u na u yotsongu tsu ili i yoku i na yi lo a̱ kuta̱wa̱.

Ayin a na baci tsu soꞋi atakaci, ci ta̱ e kukeɗe a̱pa̱Ꞌa̱ u Ka̱shile ke neke ɗa̱ kadanshi ka kuvaꞋanka ka̱ɗu n wishi adama a atakaci a̱ tsu. Ka̱shile ke neke tsu baci kadanshi ka kuvaꞋanka ka̱ɗu, ɗaɗa ciya̱ a̱tsu tsu fuɗa ci neke ɗa̱ kadanshi ka kuvaꞋanka ka̱ɗu. Ta feu nannai ya kufuɗa ya̱ lulukpa̱ n icuꞋu yi ili i te i na a̱tsu tsu soꞋi atakaci a.