Popular Bible Verses from 1 Timoti 6

Share

YaꞋan vishili adama a kasingai ku uneki u ka̱ɗu u tsu. Reme n utsura, wuma u babu uteku u na Ka̱shile ke nekei nu. Vi yaꞋanka ta̱ ɗe uma n a̱bunda̱i kadanshi ka wuma u nam pa n utsura.

Ili i na i zuwai i ɗaɗa ucigi wi ikebe u ɗaɗa ugiti wu unushi ra̱ka̱. Uma o yoku kpamu a̱ puwa̱nka̱ ta̱ a̱ ubuta̱ wu uneki u ka̱ɗu, ɗa ta na a̱ tuka̱i ka̱ci ka̱ le m ma̱shi adama a na a ciga ta̱ ikebe ka̱u.

Gogo na mayun ɗa uneki u ka̱ɗu u tsu ili i singai i ɗa ka̱u, adama a na vuza wi baci n uneki u ka̱ɗu u nan lo wa wi ta̱ o kuyongo n ka̱ɗu ida̱shi mayun.

A ayin a na a matsai tsu, tsu ta̱wa̱ n ili a aduniyan a nam pa ba. Ta kpamu nannai a ayin a na baci tsu kuwa̱i, ci a kuɗika ili ba.

Dana aza a na i n uciyi a aduniyan a nam pa ka̱ta̱ a yaꞋan a̱ra̱ɗi ba, ka̱ta̱ kpamu a zuwa utsura a̱ ubuta̱ wi ikebe i le ba. Ikebe i nan lo yi ta̱ a̱ kuta̱wa̱ ya laza babu megeshe. Amma e neke a̱ɗu e le u Ka̱shile vuza na wi n wuma vuza na kpamu u ci neke tsu n a̱bunda̱i adama a na ci ciya̱ ili i na ci a kuciga ka̱ta̱ ci yaꞋan ma̱za̱nga̱.

Amma uma o yoku a ciga ta̱ a̱ ciya̱ ili n a̱bunda̱i adama a na o okpo aza a̱ uciyi, ka̱ta̱ ta na a̱ yikpa̱ a̱ ubuta̱ u kukondo ka̱ta̱ ta na a aza ka̱ci ke le adama a na a ciga ta̱ ili ya n umici ali ka̱ta̱ a uka ka̱ci ka̱ le a maza n kadama ka̱ta̱ a̱ la̱nga̱sa̱ ka̱ci ke le n uma a na a buwai.

Dana le a yaꞋan ulinga n ikebe i le a yaꞋan kasingai. A yaꞋan kawalatsu a̱ ubuta̱ wu ulinga u singai ka̱ta̱ kpamu e neke babu mogogu a̱ ubuta̱ wa aza a unambi. Ayin tutu o yongo ufoɓushi adama a na e pece n aza o yoku ili i na Ka̱shile ke nekei le dem. A yaꞋan baci nannai, i ta̱ a kuzuwaka ka̱ci ke le uciyi gaɗi vu Ka̱shile. Wi ta̱ o kokpo tsu kumiꞋi ku singai na kelime, i ta̱ feu a kufuɗa kuciya̱ wuma u mayun gogo na.