Popular Bible Verses from 1 Timoti 1

Share

Yesu Kishi u ta̱wa̱ ta̱ a aduniyan adama a na wi isa aza a̱ unushi. Mayun ɗa yaba dem wu ushuku. Mpa ɗa feu mi ishi n laꞋi nu unushi, a̱ ka̱tsuma̱ ka uma.

Adama a nannai, ɗa Ka̱shile ka panai asuvayali a̱ va̱, ɗa u zuwai mu mo okpo agisana e kureme ku ka̱ɗu ku babu uteku n Yesu Kishi. U yaꞋan ta̱ nannai adama a aza a na a buwai a zuwa uneki wa̱ a̱ɗu u le u Kishi ka̱ta̱ a̱ ciya̱ wuma u na u kukpa̱ɗa̱ kukotso.

Ili i na i zuwai ɗa u gaꞋin vu dana le nannai i ɗaɗa adama a na a ciganai. Ucigi u nam pa wu uta̱ ta̱ a̱ ubuta̱ u ka̱ɗu ka ciɗa, n asuvu a singai, koɓolo n kuneke ka̱ɗu ka mayun.

Ka̱sa̱kpa̱ ci cikpa Ka̱shile ka̱ta̱ tsu tono yi kpamu. Ci yaꞋan nannai ali sai ayin a babu uteku n kukotso n kula. A̱yi ɗa mogono ma ayin ra̱ka̱, vuza na wi kene ba, wi kpamu a̱ kukuwa̱ ba. A̱yi ɗa Ka̱shile endeꞋen. Ta nannai.

Ka̱shile ka zuwa Wila̱ adama a aza a̱ usuɓi ba. U zuwa ta̱ u ɗa adama a aza a na o koɗoi Wila̱, n ubuta̱ wa aza a na a ci yaꞋansa ili yi ugbamukaci ayin tutu. U yaꞋan ta̱ feu nannai adama a aza a na i a kuꞋiwan kuyeve Ka̱shile, n ubuta̱ wa aza a na a kuyaꞋansa unushi. U zuwa u ɗa adama a aza a na i ciɗa ba. Ka̱shile ka zuwa ta̱ Wila̱ wa adama a aza a na a̱ tsu kpa̱ɗa̱ kuneke yi tsugbayin feu. Wila̱ wa wi ta̱ adama a aza a na a tsu una isheku i le n ina̱ku i le. Ɗa kpamu u yaꞋin u ɗa adama a aza a munaka. Ɗa kpamu u zuwai Wila̱ wa adama a aza a na i a kuyaꞋan tsugbani, n aza a kuyaꞋan unushi u tsugbani kakau u na u buwai. U zuwa ta̱ feu u ɗa a̱ ubuta̱ wa aza a na a tsu tsula uma n e dengei tsa agbashi. Ta kpamu nannai, u zuwa ta̱ u ɗa wa aza a na a ci yaꞋan aꞋuwa, n koɓolo n wa aza a na a ci yaꞋan kadanshi ka aꞋuwa a̱ ubuta̱ wa afada. Aza a na i a kuyaꞋan ili i na Wila̱ u Ka̱shile u sa̱nka̱i, ele ɗa u zuwakai Wila̱ u nan lo wa.