Popular Bible Verses from 1 Korintiya 3

Share

N yeve ta̱ i yeve ta̱ a̱ɗa̱ a̱Ꞌisa̱ a̱ Ka̱shile a ɗa yi, i yeve ta̱ kpamu Ayinviki a̱ Ka̱shile feu i ta̱ punu n a̱ɗa̱!

KumaꞋa ku na tsu varai va Yesu Kishi† ɗa, babu kpamu vuza na u kuvara kumaꞋa ku yoku.

Vuza na u yaꞋin vica̱Ꞌa̱ n vuza na u tsungi mini dem ele gbani ɗa i, amma Ka̱shile kaꞋa vuza vu usuɓi adama a na a̱yi u zuwai icuꞋu ya i gbonguroi.

A̱tsu ci ta̱ ulinga koɓolo n Ka̱shile, a̱ɗa̱ ɗa kashina ka̱ Ka̱shile. A̱ɗa̱ ɗa kpamu kumaꞋa ku na Ka̱shile ka maꞋi.

Amma ayin o kukondo a na a kuyaꞋanka uma afada i ta̱ lo a̱ kuta̱wa̱ a kanna ku ukocishi, adama a na e ene ulinga u na kamaꞋi dem ka yaꞋin. Ulinga u yaba dem i ta̱ a kuzuwa u ɗa a akina ko u ɗa u kukula̱.

Ka̱ca̱Ꞌi n ka̱tsungi ka̱ mini dem vi le a ciga ta̱ ashina a singai. Ka̱shile ki ta̱ e kuneke yaba dem vi le katsupu adama a ulinga u na a yaꞋin.

Ka̱sa̱kpa̱i kudoro ka̱ci ka̱ ɗa̱. Aza o yoku a̱ ɗa̱ e ene ta̱ adanshi i ta̱ n ugboji a aduniyan a nam pa. Amma uma a nan lo sai o bonoko ka̱ci ke le alau a̱ ubuta̱ wi ili ya aduniyan, adama a na o okpo uma a na i n ugboji mayun.