Popular Bible Verses from 1 Korintiya 15

Share

Uma a̱ va̱ a na n cigai, adama a na Ka̱shile ka yaꞋin ili i nam pa ra̱ka̱, shamgbai n utsura. Ka̱ta̱ i ka̱sa̱kpa̱ ili i yoku i zuwa ɗa̱ i gba̱ɗa̱ ali i sherewengu ba. Ayin tutu yi baci a kuyaꞋan ulinga u Vuzagbayin, yo okpo aza a kuyaꞋan ulinga n utsura, adama a na i yeve ta̱ ulinga u na yi kuyaꞋan adama a Vuzagbayin gbani ɗa ba.

Amma ci yaꞋanka ta̱ Ka̱shile ogodiya tsu na u ka̱sa̱kpa̱i Vuzagbayin vu tsu Yesu Kishi u neke tsu utsura u kulyaꞋa.

Ka̱ta̱ i ka̱sa̱kpa̱ uma a nan lo a o doro ɗa̱ ba. I yeve ta̱ udani u na u danai, “A̱ja̱Ꞌa̱ a gbani-gbani i ta̱ a̱ kula̱nga̱sa̱ ma̱riki ma̱ nu.”

Amma kasingai ka̱ Ka̱shile ka zuwa mu ta̱ mo okpoi ili i na mi gogo na, kasingai ka̱ ni ta na a kubana wa̱ va̱ ki gbani ba. N dakaka ta̱ ulinga u na n laꞋi azusuki a na a buwai dem, amma mayun ɗa, kasingai ka̱ Ka̱shile ka ɗa ka yaꞋin ulinga wa, mpa ɗa ba.

Te ɗai ubuta̱ u na ukpa̱ u lyaꞋi utsura? Te ɗai kpamu utsura u mataɗatsu mu ukpa̱ mi?” Wila̱ u neke ta̱ unushi utsura, ɗaɗa unushi u zuwai ukpa̱ u ciya̱ utsura u kuneke mɓa̱la̱.

Gogo na mi ta̱ a kudana ɗa̱ ili yi usokongi i na Ka̱shile ko yotsongi tsu: Ra̱ka̱ vu tsu ɗa tsa kukuwa̱ ba, amma ayin a na baci a̱ lika̱i kavana ku uteku, Ka̱shile ki ta̱ a kusabaꞋa tsu ra̱ka̱ kute an ulaɗi, tsu na vi ci inda ili kute gipi. A̱ lika̱ baci kavana ka, i ta̱ a̱ kuɗengusa̱ a̱kpisa̱, o kudoku a̱ kuwa̱ ta na ba, ka̱ta̱ ra̱ka̱ vu tsu ci isa ikyamba i savu.

Uma ra̱ka̱ a̱ kuwa̱i adama a ili i na vuma vi te u yaꞋin, adama a na A̱da̱mu† u tuka̱i tsu n ukpa̱ ra̱ka̱. Ta kpamu nannai a̱ kuɗengusa̱ uma n wuma adama a ili i na vuma vi te u yaꞋin. Kishi wi ta̱ a̱ kutuka̱ tsu n wuma ra̱ka̱ feu.

Adama a ikyamba i tsu i na ci yevei i na i kukuwa̱ ka̱ta̱ i shama, yi ta̱ a kusabaꞋa i bono ci ikyamba i gaɗi i na i kukpa̱ɗa̱ kukuwa̱.

Adama a na Kishi wi ta̱ a kulyaꞋa tsugono ali sai ayin a na u lyaꞋi irala i ni ɗa u bonokoi le ɗaka vi idasakpatsu i ni. Vurala vi ni vu ukocishi vu na u kuna a̱yi ɗa ukpa̱.