Popular Bible Verses from 1 Korintiya 13

Share

Ucigi u tsu zuwa ta̱ kuka̱na̱ ku ka̱ɗu m ma̱riki feu. Ucigi wi n cisheꞋe n uma ba. Ucigi u tsu dansa n a̱ra̱ɗi ba. U ci cikpa ka̱ci ka̱ ni ba. U ci yaꞋan kadanshi adama a na u nusaka uma ba. U tsu la̱nsa̱ka̱ ka̱ci ka̱ ni ili ayin tutu ba. U ci yaꞋan wupa gogo ba. U ci ciɓa n unushi u na uma o yoku a yaꞋankai ni ba.

Ucigi u ci ciga ta̱ ayin tutu, u tsu ka̱sa̱kpa̱ kuneke ka̱ɗu ba, ayin tutu u ci yongo ta̱ e kukeɗe a̱pa̱Ꞌa̱, u tsu lulukpa̱ ta̱ kpamu asuvu.

Kawuya ka̱ ciya̱ baci vuza u ci yaꞋan ma̱za̱nga̱ ba, amma u ci yaꞋan ta̱ ma̱za̱nga̱ n ili i mayun.

Ili i tatsu yi ta̱ lo i na i kukotso ba: uneki u ka̱ɗu, n a̱pa̱Ꞌa̱, n ucigi, vuzagbayin vi le ra̱ka̱ a̱yi ɗa ucigi.

Ucigi u tsu kotso ba. KuneꞋe ku kudansa akaka a̱ Ka̱shile ki ta̱ o kukotso a kanna ke te. KuneꞋe ku kudansa n elentsu kakau kanna ke te ki ta̱ o kukotso. KuneꞋe ku kuyeve, kanna ke te ku ɗa ki ta̱ o kukotso.

Mi baci a kufuɗa kudansa n kelentsu ko yoku ko n kelentsu ka alingata a̱ Ka̱shile, amma ɗa kpamu mi n ucigi u uma ba, kadanshi ka̱ va̱ ki ta̱ o kuyotso kacaꞋa ka na i baci a kulapa viyum ko ma̱shi ma kalingi.

Ayinviki a̱ Ka̱shile e neke mu baci utsura u kudansa akaka a̱ Ka̱shile, amma ɗa kpamu n fuɗai n cigai uma ba, mpa ili i ɗa mi ba. Ta kpamu nannai n fuɗa baci n yevei ili ra̱ka̱, ali n ili i na yi usokongi ka̱u, amma n cigai uma ba, mpa ili i ɗa mi ba. Ta kpamu nannai, mi baci n uneki u ka̱ɗu u na n kufuɗa kudana nsasan n ɗenga̱ o bono a ubuta̱ u yoku, amma n cigai uma ba, mpa ili i ɗa mi ba.

N neke baci ili i na mi n i ɗa ra̱ka̱ wa aza a unambi, ko n neke baci ikyamba i va̱ tsa alyuka o kusongu, n ciga baci de uma ba, ili i gbani i ɗa wa̱ va̱.

Ayin a na mi ishi maku, n tsu dansa ta̱ tsu maku, n ci sheshe ta̱ tsu maku kpamu, ka̱ta̱ kpamu n tuka̱ n ilaꞋatsu an maku. Ana n yaꞋin vuza gba̱ra̱, ɗa n ka̱sa̱kpa̱i kuyaꞋan tsu na maku ma ci yaꞋan.