Popular Bible Verses from ရူဝ်းမႃႉ 8

Share

ႁဝ်း​ႁု​လွင်ႈ​ဢၼ် ၵႃႈၼႂ်း​လွင်ႈတၢင်း​ၵူႈၸိူဝ်ႉၵူႈပိူင်​ၽြႃးပဵၼ်ၸဝ်ႈ​ပွင်​ဢၵျူဝ်း​ဢၼ်​လီ​တီႈ​ၶဝ်​ၸိူဝ်း​ဢၼ်​ႁၵ်ႉပႅင်း​မၼ်းၸဝ်ႈ၊ဢၼ်​ဝႃႈ​ၶဝ်​ၸိူဝ်း​ဢၼ်​မၼ်းၸဝ်ႈ​ႁွင်ႉ​ဢဝ်​ၸွမ်းၼင်ႇ​ဢလူဝ်ႇ​တၢင်းၵျၢမ်ႇ​မၼ်းၸဝ်ႈ​မီး​ၼၼ်ႉ​ဢေႃႈ။

ၵဝ်​ယုမ်ႇ​တႄႉ​လွင်ႈ​ဢၼ်​ၶိူင်ႈပိူင်​ဢၼ်​တၵ်း​ႁႂ်ႈ​ႁဝ်း​ၽၢတ်ႇ​ယၢၼ်​သေ​ၵႃႈတီႈ​တၢင်းႁၵ်ႉ​မႅတ်ႈတႃႇ​မၼ်းၸဝ်ႈ​လႆႈ​ၼၼ်ႉ​ဢမ်ႇ​မီး​သေ​မဵဝ်း။ ၸႃႉၸဵမ်​တၢင်းတၢႆ​သေဢမ်ႇဝႃႈ၊တၢင်း​ဢၼ်​ဢသၢၵ်ႈလိပ်း​သေဢမ်ႇဝႃႈ၊တမၢၼ်ႇၵၢင်ႁၢဝ်​သေဢမ်ႇဝႃႈ၊ၶုၼ်​ဢၼ်​ဢုပ်ႉပိူင်ႇ​ၼႃႈ​ၽႃႉၵၢင်ႁၢဝ်​တင်း​ဢႃႇၼႃႇ​တၼ်းၶူဝ်း​သေဢမ်ႇဝႃႈ၊သိုဝ်ႈ​ၼႃႈ​တႂ်ႈတႃ​သေဢမ်ႇဝႃႈ၊ဢၼ်​တၵ်း​ပဵၼ်​မႃး​ၵမ်းလိုၼ်း​သေဢမ်ႇဝႃႈ၊- မိူင်းၵၢင်ႁၢဝ်​သေဢမ်ႇဝႃႈ၊မိူင်း​မရၼႃႉ​သေဢမ်ႇဝႃႈ၊ၶိူင်ႈပိူင်​ဢၼ်​ၽြႃးပဵၼ်ၸဝ်ႈ​ၽၢၼ်ႇသၢင်း​ဝႆႉ​ၵႃႈမီး​တင်းသဵင်ႈတင်းလူင်​ဢၼ်​လႂ်​သေၵေႃႈ​ဢမ်ႇ​ၸၢင်ႈ​ႁဵတ်း​ႁႂ်ႈ​ႁဝ်း​ၽၢတ်ႇ​ယၢၼ်​ၵၼ်​ၵႂႃႇ​သေ​ၵႃႈတီႈ​တၢင်းႁၵ်ႉ​မႅတ်ႈတႃႇ​ၽြႃးပဵၼ်ၸဝ်ႈ​ဢၼ်​မီး​ယူႇ​ၼႂ်း​ၸဝ်ႈၽြႃး​ႁဝ်း​ ၸဝ်ႈ​ယေႇသု​ၶရိၸ်ႈ၊ ၼၼ်ႉ​ဢေႃႈ။

မိူၼ်​ၸိူဝ်ႉ​ၼင်ႇ​ၼၼ်​ဝိၺိၺ်ႇ​ၸဝ်ႈ​မႃး​ၸွႆႈ​ႁဝ်း​ပိူဝ်ႈ​ဢၼ်​ႁဝ်း​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​ဢေႃႈ။ ႁဝ်း​ထုၵ်ႇလီ​သူးတွင်း​ယွၼ်း​ဢၼ်​လႂ်​ႁဝ်း​ယင်း​ဢမ်ႇ​ႁု​သေၵေႃႈ၊ဝိၺိၺ်ႇ​ၸဝ်ႈ​ဢဝ်​တင်း​တၢင်း​ဢၼ်​ၶၢင်းၶီ​ၶၢင်းၽၢၼ်​ဢၼ်​ဢမ်ႇ​ၸၢင်ႈ​ဢဝ်​သူပ်း​လၢတ်ႈ​ၼၼ်ႉ​တွင်းပၢၼ်ႇ​ၽြႃးပဵၼ်ၸဝ်ႈ​ပုၼ်ႈ​ႁဝ်း​ယူႇ​ဢေႃႈ။

ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ႁဝ်း​တေ​ဝႃႈ​ၸိူဝ်ႉႁိုဝ်။ ပေႃး​ၽြႃးပဵၼ်ၸဝ်ႈ​ယူႇ​ၽၢႆႇ​ႁဝ်း​ၸိုင်၊ၽူႈလႂ်​တၵ်း​ၶတ်း​ႁဝ်း​လႆႈ။

ပိူဝ်ႈ​ၼႆ​လႄႈ​ၶဝ်​ၸိူဝ်း​ဢၼ်​တႄႇ​ယူႇ​ၼႂ်း​ ၸဝ်ႈ​ယေႇသု​ၶရိၸ်ႈ၊ ၼၼ်ႉ​တၵ်း​ဢမ်ႇ​လႆႈ​ၶၢမ်ႇတၢမ်ႇ​ဢပျတ်ႈ​ၶဝ်​ယဝ်ႉ။

ၶဝ်​ၸိူဝ်း​ဢၼ်​ၸပ်းၸွႆး​ၼိူဝ်ႉလိူတ်ႈ​ၼၼ်ႉ​တၵ်း​လႆႈ​ႁွတ်ႈထိုင်​တၢင်းတၢႆ​လႄႈ​ၶဝ်​ၸိူဝ်း​ဢၼ်​ၸႂ်ၸပ်း​ၸႂ်ၸွႆး​ဝိၺိၺ်ႇ​ၸဝ်ႈ​ၸမ်ႉ၊တၵ်း​လႆႈ​ႁွတ်ႈထိုင်​တၢင်း​ဢၼ်​ဢသၢၵ်ႈလိပ်း​ဢိၵ်ႇတင်း​တၢင်းၼိမ်​ၶျၢမ်းသႃႇ​ဢေႃႈ။

ၸိူဝ်း​ၼႆႉ​တေ​ႁႂ်ႈ​ႁဝ်း​ၽၢတ်ႇ​သေ​မႅတ်ႈတႃႇ​ၸဝ်ႈ​ဢမ်ႇၸႂ်ႈ​ၵူၺ်းဢမ်ႇၵႃး၊ၵႃႈၼႂ်း​လွင်ႈတၢင်း​ၵူႈၸိူဝ်ႉၵူႈပိူင်​ၸိူဝ်း​ၼႆႉ​ႁဝ်း​ၸၢင်ႈ​ပႄႉၼႅင်ႇ​တဵမ်ထူၼ်ႈ​ၵွပ်ႈပိူဝ်ႈ​ၸဝ်ႈ​ဢၼ်​ႁၵ်ႉ​ႁဝ်း​ၼၼ်ႉ​ဢေႃႈ။

ၵဝ်​ၶႆႈၸႂ်​တူၺ်း​လႄႈ​ႁု​ဝႃႈ​ဢၼ်​တုၵ်ႉၶႃႉ​တၢင်း​ၽၢၼ်​ဢၼ်​ႁဝ်း​လႆႈ​ၶၢမ်ႇ​ယူႇ​တေႃႈလဵဝ်​တႂ်ႈတႃ​ၼႆႉ​ၼၼ်ႉ​ဢမ်ႇ​မီး​တီႈ​တၵ်း​တႅၵ်ႈၼိူင်း​လူၺ်ႈ​မုၼ်ၽုင်း​ဢၼ်​တၵ်း​ထၢင်ႇသႃး​မႃး​မိူဝ်းၼႃႈ​ၼၼ်ႉ​လႃးလႃး။

ပိူဝ်ႈ​ၼႆ​လႄႈ ၽူႈလႂ်​တၵ်း​ႁႂ်ႈ​ႁဝ်း​ၽၢတ်ႇ​ယၢၼ်​ၵၼ်​တင်း​တၢင်းႁၵ်ႉ​မႅတ်ႈတႃႇ​ ၸဝ်ႈ​ၶရိၸ်ႈ၊ လႆႈ။ ၸွင်ႇ​တၢင်း​ဢၼ်​ၺႃး​ၽေး​တုၵ်ႉၶႃႉ၊တၢင်း​ဢၼ်​ယၢပ်ႇၸႂ်​ၵိၼ်းၸႂ်၊တၢင်း​ဢၼ်​ပိူၼ်ႈ​ၼိၵ်ႈၸၢၵ်ႈ​ငႅၼ်းသႄး၊တၢင်း​ဢၼ်​ဢိုပ်းယၢၵ်ႈ၊တၢင်း​ဢၼ်​ၽၢၼ်​ငိုၼ်း​ၽၢၼ်​ၶမ်း၊တၢင်း​ဢၼ်​ထူပ်း​ၽေး​ဢၼ်ႇတရေႇ၊ဢမ်ႇၼၼ်​ၽေး​တၢင်းတၢႆ​ၸိူဝ်း​ၼၼ်ႉ​တၵ်း​ႁႂ်ႈ​ႁဝ်း​ၽၢတ်ႇ​ယၢၼ်​ၵၼ်​တင်း​မႅတ်ႈတႃႇ​ ၸဝ်ႈ​ၶရိၸ်ႈ၊ လႆႈ​ႁိုဝ်း။

ၽြႃးပဵၼ်ၸဝ်ႈ​ဢၼ်​ႁု​တပ်း​ပွတ်ႇ​ႁူဝ်ၸႂ်​ၵူၼ်း​ၼၼ်ႉ​ၵေႃႈ​ႁုႁၼ်​သၽေႃး​ဝိၺိၺ်ႇ​ၸဝ်ႈ၊ၵွပ်ႈပိူဝ်ႈ​ဝိၺိၺ်ႇ​ၸဝ်ႈ​ၼၼ်ႉ​တၢင်တူဝ်​ၵူၼ်း​မူတ်းၸၢင်ႇ​မၼ်းၸဝ်ႈ​တင်းလၢႆ​လႄႈ၊တွင်းပၢၼ်ႇ​ၽြႃးပဵၼ်ၸဝ်ႈ​ၸွမ်းၼင်ႇ​ဢလူဝ်ႇ​မၼ်းၸဝ်ႈ​မီး​ၼၼ်ႉ​ဢေႃႈ။

ၶဝ်​ၸိူဝ်း​ဢၼ်​ၶၢမ်ႇ​ဢဝ်​တၢင်း​ဢၼ်​ဝိၺိၺ်ႇ​ၸဝ်ႈၽြႃး​ယိပ်း​ၸုင်​ဢွၼ်​သူင်ႇ​ပၼ်​ၼၼ်ႉ​ပဵၼ်​လုၵ်ႈၽြႃးပဵၼ်ၸဝ်ႈ​ဢေႃႈ။

လွင်ႈ​မၼ်း​ၸမ်ႉ၊ၶဝ်​ၸိူဝ်း​ဢၼ်​ၵမ်ၵျၢင်ႉ​ၸွမ်း​ဢလူဝ်ႇ​ၼိူဝ်ႉလိူတ်ႈ​ၼၼ်ႉ​ၸၢင်ႈ​ၸႂ်ထိုင်​ၸပ်းၸွႆး​လွင်ႈတၢင်း​ဢၼ်​ၸၢပ်ႈသႅင်ႇ​ၼိူဝ်ႉလိူတ်ႈ​ဢေႃႈ။ ၵူၺ်းၵႃႈ၊ၶဝ်​ၸိူဝ်း​ဢၼ်​ၵမ်ၵျၢင်ႉ​ၸွမ်း​ဝိၺိၺ်ႇ​ၸဝ်ႈ​ၸမ်ႉ၊ၸႂ်​ၶဝ်​ၸပ်းၸွႆး​ၶိူင်ႈပိူင်​ဢၼ်​ၸၢပ်ႈသႅင်ႇ​ၵၼ်​တင်း​ဝိၺိၺ်ႇ​ၸဝ်ႈ​ဢေႃႈ။

မၼ်းၸဝ်ႈ​ယင်း​ဢမ်ႇ​သေလၢႆ လုၵ်ႈ​ပႃးလဵဝ်​တူဝ်ၸဝ်ႈၵဝ်ႇ​လႄႈ၊ယင်း​ဢၢပ်ႈပၼ်​ႁႂ်ႈလႆႈ​ၶၢမ်ႇတၢႆ​တၢင်​ႁဝ်း​တင်းလၢႆ​ယဝ်ႉ။ ပေႃး​မၼ်းၸဝ်ႈ​ပၼ်​လုၵ်ႈၸဝ်ႈ​ၸိုင်၊မၼ်းၸဝ်ႈ​ယင်း​ဢမ်ႇ​ပၼ်​ႁဝ်း​ၵူႈၸိူဝ်ႉၵူႈပိူင်​လႄႈ​တၵ်း​ယူႇ​လႆႈ​ႁိုဝ်း။

ႁဝ်း​ပဵၼ်​လုၵ်ႈၽြႃးပဵၼ်ၸဝ်ႈ​ဝႃႈၼႆ ဝိၺိၺ်ႇ​ၸဝ်ႈ​ၶၢမ်ႇသၢၵ်ႈသေႇ​လူၺ်ႈ​ၵၼ်​တင်း​ဝိၺိၺ်ႇ​ႁဝ်း​ယူႇ​ဢေႃႈ။- ပိူဝ်ႈ​ဢၼ်​ႁဝ်း​ပဵၼ်​လုၵ်ႈ​မၼ်းၸဝ်ႈ​လႄႈ၊ႁဝ်း​တၵ်း​လႆႈ​ၶၢမ်ႇ​ၸၢမ်ႇၸႃး​ဢမူၺ်ႇ​မၼ်းၸဝ်ႈ၊ဢမူၺ်ႇ​ဢၼ်​လႆႈ​ၶၢမ်ႇ​ၸၢမ်ႇၸႃး​လူၺ်ႈ​ၵၼ်​တင်း​ ၸဝ်ႈ​ၶရိၸ်ႈ၊ ဢေႃႈ။ ပေႃး​ႁဝ်း​ႁူမ်ႈ​ၶၢမ်ႇ​တုၵ်ႉၶႃႉ​တၢင်း​ၽၢၼ်​လူၺ်ႈ​ ၸဝ်ႈ​ၶရိၸ်ႈ၊ ၸိုင်၊ႁဝ်း​တၵ်း​လႆႈ​ႁူမ်ႈ​ၶၢမ်ႇ​မုၼ်ၽုင်း​မၼ်းၸဝ်ႈ​ဢေႃႈ။

လိူဝ်​သေ​ၼၼ်ႉ​ၶဝ်​ၸိူဝ်း​ဢၼ်​ၸႂ်ၸပ်း​ၸႂ်ၸွႆး​ၼိူဝ်ႉလိူတ်ႈ​ၼၼ်ႉ​ပဵၼ်​ရၢၼ်ႇသူႇ​ၽြႃးပဵၼ်ၸဝ်ႈ၊ၵွပ်ႈပိူဝ်ႈ​ၶဝ်​ဢမ်ႇ​ထွမ်ႇဢဝ်​တြႃး​ၽြႃးပဵၼ်ၸဝ်ႈ​ဢေႃႈ။ တီႈ​တႄႉ​မၼ်း​မၼ်း​ၶႂ်ႈ​ထွမ်ႇဢဝ်​သေၵေႃႈ​မၼ်း​ဢမ်ႇ​ၸၢင်ႈ​ထွမ်ႇဢဝ်​လႆႈ။

ၶိူင်ႈပိူင်​ဢၼ်​ၽြႃးပဵၼ်ၸဝ်ႈ​ၽၢၼ်ႇသၢင်း​ဝႆႉ​ၵႃႈမီး​တင်းသဵင်ႈတင်းလူင်​မုင်ႈမွင်း​ၼႃႇ​လူင်လၢင်​လႄႈ​ပႂ်ႉထႃႈ​တၢင်း​ဢၼ်​ၽြႃးပဵၼ်ၸဝ်ႈ တၵ်း​ၼႄပျႃး​လုၵ်ႈ​မၼ်းၸဝ်ႈ​တင်းလၢႆ​ထၢင်ႇသႃး​မႃး​ၼၼ်ႉ​ဢေႃႈ။

ႁဝ်း​ႁု​လွင်ႈ​ဢၼ်​တေႃႇထိုင်​မိူဝ်ႈလဵဝ်​ၼႆႉ​ၶိူင်ႈပိူင်​လေႃးၵႃႉ​တင်းသဵင်ႈ​ၼႆႉ​ၶၢင်းၶီ​ၶၢင်းၽၢၼ်​လူၺ်ႈ​တုၵ်ႉၶႃႉ​ဝူၺ်ႇတၼႃႇ​မိူၼ်ၼင်ႇ​မႄႈယိင်း​လႆႈ​ၶၢမ်ႇ​ၵိၼ်းၸႂ်​ယၢမ်း​မိူဝ်ႈ​ဢၼ်​ၸမ်​တၵ်း​ၵိူတ်ႇလဵင်ႉ​လုၵ်ႈ​ၼၼ်ႉ​ဢေႃႈ။