Popular Bible Verses from ပျႃႇတိၵ်ႈ 9

Share

ၵူၼ်း​ၸိူဝ်း​ဢၼ်​ယင်း​ၵိုတ်း​ယင်း​ၵျၢၼ်ႇ​ဝႆႉ၊ဢမ်ႇ​လႆႈ​တၢႆ​လူၺ်ႈ​ၽေး​ဢုပၢတ်ႈ​ၼၼ်ႉ​ၸမ်ႉ၊ယင်း​ဢမ်ႇ​ပႄႇပႅတ်ႈ​သေ​တၢင်းၵမ်​တၢင်းၵျၢင်ႉ​ၵဝ်ႇ​ၶဝ်၊ယင်း​ဢမ်ႇ​ပႄႇပႅတ်ႈ​သေ​တၢင်း​ဢၼ်​ဝႆႈ​ၽီ​လႂ်၊ဝႆႈ​ႁုၼ်ႇႁၢင်ႈသၢင်းထု​ၶမ်း၊ဝႆႈ​ႁုၼ်ႇႁၢင်ႈသၢင်းထု​ငိုၼ်း၊ဝႆႈ​ႁုၼ်ႇႁၢင်ႈသၢင်းထု​တွင်း၊ဝႆႈ​ႁုၼ်ႇႁၢင်ႈသၢင်းထု​မၢၵ်ႇႁိၼ်၊ဢိၵ်ႇတင်း​ဝႆႈ​ႁုၼ်ႇႁၢင်ႈသၢင်းထု​မႆႉ၊ဢၼ်​ဢဝ်​တင်း​မိုဝ်း​တူဝ်ၸဝ်ႈၵဝ်ႇ​ႁဵတ်း​လႄႈ၊ပဵၼ်​ႁုၼ်ႇႁၢင်ႈသၢင်းထု​ဢၼ်​ဢမ်ႇ​ၸၢင်ႈ​ႁၼ်၊ဢမ်ႇ​ၸၢင်ႈ​ငိၼ်း၊ဢမ်ႇ​ၸၢင်ႈ​ပႆ​လႆႈ​ၸိူဝ်း​ၼၼ်ႉ​ဢေႃႈ။- ၶဝ်​ယင်း​ဢမ်ႇ​ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​သေ​ၵႃႈတီႈ​ၼႂ်း​တၢင်း​ဢၼ်​ဢဝ်​ဢသၢၵ်ႈ​ၵူၼ်းတၢႆ၊တၢင်း​ဢၼ်​ႁဵတ်း​ၽီ​မေႃႇ၊တၢင်း​ဢၼ်​ႁဵတ်း​ၵိလေႇသႃႇ​ဢၼ်​ဢမ်ႇတြႃး၊တၢင်း​ဢၼ်​လၵ်ႉ​ဢၼ်​လိူတ်ႇ​ၸိူဝ်း​ၼၼ်ႉ​လႄႈ​ယူႇ​ဢေႃႈ။

မႅင်း​ၸၵ်းတႅၼ်​တင်းလၢႆ​မိၼ်​ဢွၵ်ႇ​သေ​ၵႃႈၼႂ်း​ၵႂၼ်း​ၽႆး​မႃး​သေလႄႈ​လူင်း​ၸူး​ၵႃႈၼိူဝ်​လိၼ်မိူင်း​ဢေႃႈ။ မႅင်း​ၸၵ်းတႅၼ်​ၸိူဝ်း​ၼၼ်ႉ​လႆႈ​ဢႃႇၼႃႇ​တၼ်းၶူဝ်း​မိူၼ်​ၸိူဝ်ႉ​ၼင်ႇ​ဢႃႇၼႃႇ​တၼ်းၶူဝ်း​မႅင်းငေႃး​ၵႃႈၼိူဝ်​လိၼ်မိူင်း​ၼႆႉ​ဢေႃႈ။- ၶဝ်​ဢမ်ႇ​လႆႈ​ဢၶႂၢင်ႉ​ဢၼ်​တၵ်း​ပၼ်​ၽေး​တုၵ်ႉၶႃႉ​တီႈ​ပၢင်ႇ​ယိူဝ်ႈယႃႈ၊ဢမ်ႇၼၼ်​တီႈ​တူၼ်ႈမႆႉ၊ဢိၵ်ႇတင်း​တီႈ​တူၼ်ႈ​ဢၼ်​လိပ်း​ဢၼ်​ၶဵဝ်​လႂ်​ၸိူဝ်း​ၼၼ်ႉ​လႃးလႃး​လႄႈ​ၵူၺ်း​လႆႈ​ဢၶႂၢင်ႉ​ဢၼ်​တၵ်း​ပၼ်​ၽေး​တုၵ်ႉၶႃႉ​တီႈ​ၶဝ်​ၸိူဝ်း​ဢၼ်​ဢမ်ႇ​လႆႈ​ၶၢမ်ႇ​တၢင်း​ဢၼ်​ဢဝ်​တၼ်းသိၵ်ႈ​ၽြႃးပဵၼ်ၸဝ်ႈ​တွၵ်ႇ​ဝႆႉ​ၵႃႈတီႈ​ၼႃႈၽၢၵ်ႇ​ၶဝ်​ၸိူဝ်း​ၼၼ်ႉ​ဢေႃႈ။

မိူဝ်ႈ​ၼၼ်ႉ၊တမၢၼ်ႇၵၢင်ႁၢဝ်​ပႃး​တီႈ​ႁႃႈ​ပဝ်ႇ​ၼႄးၶရႃႇ​မၼ်း​လႄႈ​ၵဝ်​ႁၼ်​လၢဝ်​လုၵ်ႈ​ၼိုင်ႈ၊တူၵ်း​သႂ်ႇ​ၵႃႈၼိူဝ်​လိၼ်မိူင်း​ဢေႃႈ။ ၵၢၵ်ႇသေႃး​ႁူး​ၶုမ်​ငရၢႆး​ၼၼ်ႉ​လႆႈ​ၶၢမ်ႇ​တၢင်း​ဢၼ်​ဢၢပ်ႈ​ဝႆႉ​ၵႃႈတီႈ​လၢဝ်​ၼၼ်ႉ​ဝႆႉ​ယဝ်ႉ။

မႅင်း​ၸၵ်းတႅၼ်​ၸိူဝ်း​ၼၼ်ႉ၊ဢမ်ႇ​လႆႈ​ဢၶႂၢင်ႉ​ဢဝ်​ၵူၼ်း​ၸိူဝ်း​ၼၼ်ႉ​တၢႆ။ တေ​လႆႈ​ၼိၵ်ႈၸၢၵ်ႈ​ငႅၼ်းသႄး​ၶဝ်​ႁႃႈ​လိူၼ်​ၵူၺ်း​ဢေႃႈ။ ဝူၺ်ႇတၼႃႇ​ဢၼ်​ၸဵပ်း​ၵႅၼ်း​ၼၼ်ႉ၊ပဵၼ်​ၸိူဝ်ႉ​ၼင်ႇ​ဝူၺ်ႇတၼႃႇ​ဢၼ်​ၵွင်ႉ​မႅင်းငေႃး​ၸီႈ​ၼၼ်ႉ​ဢေႃႈ။

ၶုၼ်ႁေႃၶမ်း​ၶဝ်​ၸမ်ႉ၊ပဵၼ်​တမၢၼ်ႇ​ဢၼ်​ဢုပ်ႉပိူင်ႇ​ႁူး​ၶုမ်​ငရၢႆး​ၼၼ်ႉ​လႄႈ​ၸိုဝ်ႈသဵင်​မၼ်း​ၵႃႈၼႂ်း​ၵႂၢမ်း​ ႁေႇပြႄး၊ ၼၼ်ႉ​ႁွင်ႉဝႃႈ၊ “ ဢႃႇပတ်ႉတုင်ႇ၊ ” ဝႃႈၼႆ​လႄႈ၊ၼႂ်း​ၵႂၢမ်း​ ၵရိၵ်ႉ၊ သမ်ႉ​ႁွင်ႉဝႃႈ၊ “ ဢႃႇပေႃးလျုၼ်ႇ၊ ” (ဢၼ်​ပွင်ႇဝႃႈ၊ “ ၶုၼ်​ယႃႉ​လု​ယႃႉလႅဝ်၊ ”) ဝႃႈ​ၼင်ႇ​ၼႆ​ဢေႃႈ။