Popular Bible Verses from ပျႃႇတိၵ်ႈ 22

Share

ၵဝ်​ပဵၼ်​ၸဝ်ႈ​ ဢႃႇလၽႃႉ၊ ဢိၵ်ႇတင်း​ၸဝ်ႈ​ ဢေႃးမေႇၵႃႉ၊ ၸဝ်ႈ​ဢၼ်​တႄႇၸႃႉ​ဢွၼ်တၢင်း၊ဢိၵ်ႇတင်း​ၸဝ်ႈ​ၵမ်းလိုၼ်းသုတ်း​ဢေႃႈ။

ၸဝ်ႈ​ယေႇသု၊ လၢတ်ႈ​လႄႈ​ဝႃႈ၊ “တူၺ်း​လူး။ ၵဝ်​တၵ်း​ၸဵဝ်း​မႃး​ၶၼ်ၶၼ်ၽႂ်းၽႂ်း​ဢေႃႈ။ ၵဝ်​တၵ်း​ပႃး​ဢဝ်​ဢၵျူဝ်း​ဢပျတ်ႈ​မႃး​ႁႂ်ႈလႆႈ​တွပ်ႇတႅၼ်း​ပၼ်​တီႈ​ၵူႈၵေႃႉၵူႈၵူၼ်း​ၸွမ်း​လူၺ်ႈ​တၢင်းၵမ်​တၢင်းၵျၢင်ႉ​ဢၼ်​ၶဝ်​လႆႈ​ႁဵတ်း​မႃး​ၼၼ်ႉ​ဢေႃႈ။

ဝိၺိၺ်ႇ​ၸဝ်ႈ၊ဢိၵ်ႇတင်း​ယိင်းသၢဝ်​ၼၼ်ႉ​လၢတ်ႈ​လႄႈ​ဝႃႈ၊ “မႃး​သေၵမ်း​ၶႃႈ၊” ဝႃႈ​ၼင်ႇ​ၼႆ​ဢေႃႈ။ ၶဝ်​ၸိူဝ်း​ဢၼ်​ငိၼ်း​ၵေႃႈ​တၵ်း​လႆႈ​လၢတ်ႈ​လႄႈ​ဝႃႈ၊ “မႃး​သေၵမ်း​ၶႃႈ၊” ဝႃႈ​ၼင်ႇ​ၼႆ​ၼင်ႇၵဝ်ႇ​ဢေႃႈ။ ႁႂ်ႈ​ၵေႃႉ​ဢၼ်​ယၢၵ်ႇၼမ်ႉ​ၼၼ်ႉ​မႃး​သေၵမ်း။ ႁႂ်ႈ​ၵေႃႉ​ဢၼ်​မီး​ၸႂ်​ၶႂ်ႈလႆႈ​ၼမ်ႉ​ဢသၢၵ်ႈ​ၼၼ်ႉ​ယင်း​ဢမ်ႇ​ပၼ်​ၵႃႈ​မၼ်း​ၶၼ်​မၼ်း​လႄႈ​မႃး​ႁပ်ႉ​ဢဝ်​သေၵမ်း။

“ၶဝ်​ၸိူဝ်း​ဢၼ်​သၵ်ႉ​သၢႆႇ​ၶူဝ်းၼုင်ႈ​ၶဝ်​လႄႈ​လႆႈ​ဢၶႂၢင်ႉ​ဢၼ်​တၵ်း​ၵိၼ်​မၢၵ်ႈ​တူၼ်ႈ​ဢသၢၵ်ႈ​သေယဝ်ႉ၊လႆႈ​ဢၶႂၢင်ႉ​ဢၼ်​ၶဝ်ႈ​ၵႃႈၼႂ်း​ၽၵ်းတူ​ဝဵင်း​ၼၼ်ႉ​မီး​မၢင်ႇၵလႃႇ​ဢေႃႈ။

ၸဝ်ႈ​ယေႇသု၊ လၢတ်ႈ​လႄႈ​ဝႃႈ၊ “တူၺ်း​လူး။ ၵဝ်​တၵ်း​ၸဵဝ်း​မႃး​ၶၼ်ၶၼ်ၽႂ်းၽႂ်း​ဢေႃႈ။ ၶဝ်​ၸိူဝ်း​ဢၼ်​ပႂ်ႉၵမ်​ပႂ်ႉ​ၸွမ်း​ၵႂၢမ်း​ပျႃႇတိၵ်ႈ​ၸဝ်ႈ​ဢၼ်​မီး​ၵႃႈၼႂ်း​ၽိုၼ်လိၵ်ႈ​ၼႆႉ​ၼၼ်ႉ​မီး​မၢင်ႇၵလႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵႃႈၼႂ်း​ဝဵင်း​ၼၼ်ႉ​ဢမ်ႇ​မီး​ၶိင်ႇ​ၵၢင်ၶိုၼ်း​ယဝ်ႉ။ ၶဝ်​ဢမ်ႇ​လူဝ်ႇ​ၵွၵ်းၽႆး။ သၢႆလႅင်း​လႅတ်ႇ​ၵေႃႈ​ၶဝ်​ဢမ်ႇ​လူဝ်ႇ။ လွင်ႈ​မၼ်း​ၸမ်ႉ၊ထႃႇဝရႃႉ​ၽြႃး၊ၽြႃးပဵၼ်ၸဝ်ႈ၊ပဵၼ်​ဢၼ်​လႅင်း​ၶဝ်​ယဝ်ႉ​လႄႈ​ၶဝ်​တၵ်း​လႆႈ​ဢုပ်ႉပိူင်ႇ​ယူႇ​မိူၼ်​ၸိူဝ်ႉ​ၼင်ႇ​ၶုၼ်ႁေႃၶမ်း​တင်းလၢႆ​သိုပ်ႇ​သိုပ်ႇ​တၢမ်​တၢမ်​တႃႇသေႇ​ဢမ်ႇထၢတ်ႇ​ဢေႃႈ။

ၸဝ်ႈ​ဢၼ်​ၶၢမ်ႇသၢၵ်ႈသေႇ​တီႈ​လွင်ႈ​တင်းသဵင်ႈတင်းမူတ်း​ၸိူဝ်း​ၼႆႉ​ၵေႃႈ​လၢတ်ႈ​လႄႈ​ဝႃႈ၊ “ၵဝ်​တၵ်း​ၸဵဝ်း​မႃး​ၶၼ်ၶၼ်ၽႂ်းၽႂ်း​ဢမၢၼ်ႇၶၼ်ပဵၼ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။ ဢႃမိၼ်ႈ။ ၸဝ်ႈ​ၽြႃး​ ယေႇသု၊ တီႈၶႃႈ။ ၶႅၼ်းတေႃႈ​ၵျွ​မႃး​သေၵမ်း​တီႈၶႃႈ။ ႁႂ်ႈ​ၵျေးၸူး​ ၸဝ်ႈၽြႃး​ယေႇသု၊ မီး​လူၺ်ႈ​ၵၼ်​တင်း​ၵူၼ်း​မူတ်းၸၢင်ႇ​ၵူႈၵေႃႉၵူႈၵူၼ်း​သေၵမ်း​လူၺ်ႈ။ ၵျၢမ်း​ပျႃႇတိၵ်ႈ​ယဝ်ႉ​ယဝ်ႉ​ဢေႃႈ။

ၵဝ်​ ယူဝ်းႁၢၼ်ႇ၊ ပၼ်​သတိ​တီႈ​ၶဝ်​ၸိူဝ်း​ဢၼ်​ငိၼ်း​ၵႂၢမ်း​ပျႃႇတိၵ်ႈ​ၸဝ်ႈ​ဢၼ်​မီး​ၵႃႈၼႂ်း​ၽိုၼ်လိၵ်ႈ​ၼႆႉ​ၵူႈၵေႃႉၵူႈၵူၼ်း​ၸမ်ႉ၊သင်​ဝႃႈ၊သေၵေႃႉသေၵူၼ်း​ဢဝ်​ၵႂၢမ်း​သေ​ၸိူဝ်ႉ​သေ​ပိူင်​ထၢပ်ႈ​သႂ်ႇ​ထႅင်ႈ​ၵႃႈၼႂ်း​လွင်ႈတၢင်း​ၸိူဝ်း​ၼႆႉ​ၸိုင်၊ၽြႃးပဵၼ်ၸဝ်ႈ​တၵ်း​ဢဝ်​ၽေး​ဢုပၢတ်ႈ​ဢၼ်​လၢတ်ႈ​ဝႆႉ​ၵႃႈၼႂ်း​ၽိုၼ်လိၵ်ႈ​ၼႆႉ​ၼၼ်ႉ​ႁွတ်ႈထိုင်​ၵႃႈၼိူဝ်​ၵေႃႉ​ၼၼ်ႉ​ဢေႃႈ။- သင်​ဝႃႈ၊သေၵေႃႉသေၵူၼ်း​ၼုၵ်ႈ​ထွၼ်​ဢဝ်​ၵႂၢမ်း​ပျႃႇတိၵ်ႈ​ၸဝ်ႈ​ဢၼ်​မီး​ၵႃႈၼႂ်း​ၽိုၼ်လိၵ်ႈ​ၼႆႉ​သေ​ၸိူဝ်ႉ​သေ​ပိူင်​ဢွၵ်ႇ​ပႅတ်ႈ​ၸိုင်၊ၽြႃးပဵၼ်ၸဝ်ႈ​တၵ်း​ၼုၵ်ႈ​ဢဝ်​ဢၶႂၢင်ႉ​မၼ်း​ဢၼ်​ဝႃႈ၊ဢၶႂၢင်ႉ​ဢၼ်​လႆႈ​ၵိၼ်​မၢၵ်ႇ​တူၼ်ႈ​ဢသၢၵ်ႈ၊ဢိၵ်ႇတင်း​ဢၶႂၢင်ႉ​ဢၼ်​လႆႈ​ၶဝ်ႈ​ၵႃႈၼႂ်း​ဝဵင်း​ဢၼ်​မူတ်းၸၢင်ႇ၊ဢၼ်​လၢတ်ႈ​ဝႆႉ​ၵႃႈၼႂ်း​ၽိုၼ်လိၵ်ႈ​ၼႆႉ​ၼၼ်ႉ၊ဢွၵ်ႇ​ပႅတ်ႈ​သေ​ၵႃႈတီႈ​ၵေႃႉ​ၼၼ်ႉ​ဢေႃႈ။