Popular Bible Verses from မႃႇ 8

Share

ၵွပ်ႈပိူဝ်ႈ​လွင်ႈ​ၼင်ႇ​ႁိုဝ်​လႄႈ​ဝႃႈၼႆ၊ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ၶႂ်ႈ​ၵႄႇသႄႇ​ဢဝ်​တူဝ်ၸဝ်ႈၵဝ်ႇ​ၼၼ်ႉ​တၵ်း​သုမ်း​ဢသၢၵ်ႈ​ဢေႃႈ။ ၽူႈလႂ်​သေဢမ်ႇဝႃႈ၊ၵေႃႉ​ဢၼ်​သုမ်း​ဢသၢၵ်ႈ​ပုၼ်ႈ​ၵဝ်၊ဢိၵ်ႇတင်း​ပုၼ်ႈ​ၶၢဝ်ႇတြႃးသိူဝ်းပျေႃႇ​ၼၼ်ႉ၊ၵေႃႉ​ၼၼ်ႉ​တၵ်း​ၵႄႇသႄႇ​ဢသၢၵ်ႈ​တူဝ်ၸဝ်ႈၵဝ်ႇ​ဢေႃႈ။

ပေႃး​သေၵေႃႉသေၵူၼ်း​လႆႈ​ဢုပ်ႉပိူင်ႇ​လေႃးၵႃႉ​ၼႆႉ၊တင်းသဵင်ႈတင်းလူင်​လႄႈ​ဝိၺိၺ်ႇ​တူဝ်ၸဝ်ႈၵဝ်ႇ​သုမ်း​ၸိုင်၊တၵ်း​မီး​ဢၵျူဝ်း​ၵျေးၸူး​ၵႃႈသင်။

မိူဝ်ႈ​ၼၼ်ႉ၊ ၸဝ်ႈ​ယေႇသု၊ ႁွင်ႉ​ဢဝ်​ၵူၼ်း​တင်းလၢႆ၊တင်း​တပႄးၸဝ်ႈ​တင်းလၢႆ​မႃး​လႄႈ​လၢတ်ႈ​တီႈ​ၶဝ်​လႄႈ​ဝႃႈ၊ “ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ၶႂ်ႈ​ၸပ်းၸွမ်း​ပႃႈလင်​ၵဝ်​ၼၼ်ႉ၊ႁႂ်ႈ​ၵေႃႉ​ၼၼ်ႉ​ပႄႇပႅတ်ႈ​တူဝ်ၸဝ်ႈၵဝ်ႇ​သေယဝ်ႉ၊မႅၵ်ႇ​သဝ်မႆႉဝႃးမိုဝ်း​တူဝ်ၸဝ်ႈၵဝ်ႇ​လႄႈ​ၸွမ်း​ပႃႈလင်​ၵဝ်​တႃႉ။

ၵေႃႉ​ၼၼ်ႉ​တေ​ၸၢင်ႈ​ဢဝ်​ၶိူင်ႈပိူင်​ၵႃႈသင်​သေလႄႈ​လႅၵ်ႈ​ဢဝ်​ဝိၺိၺ်ႇ​တူဝ်ၸဝ်ႈၵဝ်ႇ​ၶိုၼ်း​မႃး​လႆႈ။- ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ဢူၵ်း​ဢၢႆ​ၵွပ်ႈပိူဝ်ႈ​ၵဝ်၊ဢိၵ်ႇတင်း​ၵႂၢမ်း​ၵဝ်​ၵႃႈၼႂ်း​ၵၢပ်ႈပၢၼ်​ၵူၼ်း​မဵဝ်း​ဢၼ်​ဢမ်ႇ​မီး​သိၼ်​ထမ်း​လႄႈ​ႁၢႆႉမိူၵ်ႈ​ၼႆႉ၊ၵေႃႉ​ၼၼ်ႉ​ၸိုင်၊ ၸဝ်ႈ​လုၵ်ႈၵူၼ်း၊ ၵေႃႈ​တၵ်း​ဢူၵ်း​ဢၢႆ​ၵွပ်ႈပိူဝ်ႈ​ၵေႃႉ​ၼၼ်ႉ​ၼႂ်း​မိူဝ်ႈ​ဢၼ်​မၼ်းၸဝ်ႈ​ပႃး​တင်း​မုၼ်ၽုင်း​ဢႃႇၼုၽေႃႇ​ပေႃႈၸဝ်ႈ​ဢိၵ်ႇတင်း​တမၢၼ်ႇၵၢင်ႁၢဝ်​ဢၼ်​မူတ်းၸၢင်ႇ​တင်းလၢႆ​လႄႈ​ၵျွ​မႃး​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မၼ်းၸဝ်ႈ​သမ်ႉ​ထၢမ်​ထႅင်ႈ​လႄႈ​ဝႃႈ၊ “သူ​ၸိူဝ်း​ၼႆႉ​ၸမ်ႉ၊ဝႃႈ​ၵဝ်​ပဵၼ်​ၽူႈလႂ်၊” မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်။ ပေႇတရု၊ လဝ်ႈလၢတ်ႈ​လႄႈ​ဝႃႈ၊ “ၸဝ်ႈႁဝ်း​ပဵၼ်​ ၸဝ်ႈ​ၶရိၸ်ႈ၊ ၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။