Popular Bible Verses from မႃႇ 13

Share

ၵွပ်ႈပိူဝ်ႈ​ၵဝ်​လႄႈ​ၵူၼ်း​ၵူႈ​ၵေႃႉ​တၵ်း​ၸင်း​သူ​ဢေႃႈ။ ၼႂ်းဝႃႈၼၼ်​သေၵေႃႈ​ၵေႃႉလႂ်​သေဢမ်ႇဝႃႈ၊ၵေႃႉ​ဢၼ်​မၼ်ႈၶိူင်ႇ​တေႃႇထိုင်ႁွတ်ႈ​တီႈသုတ်း​တီႈ​ၵွႆ​ၼၼ်ႉ၊ၵေႃႉ​ၼၼ်ႉ​တၵ်း​ႁွတ်ႈထိုင်​တၢင်း​ဢၼ်​ၵႄႇၶျွတ်ႈ​ဢဝ်​ဢေႃႈ။

ပိူဝ်ႈ​ဢၼ်​သူ​ဢမ်ႇ​ႁု​လွင်ႈ​ဢၼ်​ၶိင်ႇ​မိုဝ်ႉ​ဝၼ်း​ၼၼ်ႉ၊တၵ်း​ပဵၼ်​မိူဝ်ႈလႂ်​ၼၼ်ႉ​လႄႈ​တူင်ႉတိုၼ်ႇ​ပႂ်ႉထႃႈ​ယူႇ​တႃႉ။

မိူဝ်ႈ​ဢၼ်​သူ​လႆႈ​ၶၢမ်ႇ​တၢင်း​ဢၼ်​တိ​ၵႂႃႇ​ဢၢပ်ႈ​ၵႃႈၼႂ်း​လုမ်းလူင်​ၸိုင်၊ယႃႇပေ​မႆႈၸႂ်​လူၺ်ႈ​လွင်ႈ​ဢၼ်​သူ​တၵ်း​လႆႈ​လၢတ်ႈ​ၵႂၢမ်း​ၵႃႈသင်​ၼၼ်ႉ။ လၢတ်ႈ​ၵႂၢမ်း​ဢၼ်​သူ​လႆႈ​ႁပ်ႉ​ဢဝ်​မိူဝ်ႈ​ၶိင်ႇ​ၼၼ်ႉ​ၵူၺ်း​တႃႉ။ ၵႂၢမ်း​ၼၼ်ႉ​ပဵၼ်​ၵႂၢမ်း​ဢၼ်​သူ​လၢတ်ႈ​ဢမ်ႇၸႂ်ႈ။ ပဵၼ်​ၵႂၢမ်း​ဢၼ်​ဝိၺိၺ်ႇ​မူတ်းၸၢင်ႇ​ၸဝ်ႈ​လၢတ်ႈ​ဢေႃႈ။

ၵၢင်ႁၢဝ်​တင်း​လိၼ်မိူင်း​တၵ်း​ပူၼ်ႉ​ၵႂႃႇ​ဢေႃႈ။ ၵႂၢမ်း​ၵဝ်​ၼႆႉ​တၵ်း​ဢမ်ႇ​ႁၢႆလၢႆ။

“ၶိင်ႇ​ၼႃႇရီႇ​ဝၼ်း​ဢၼ်​တၵ်း​မႃး​ၼၼ်ႉ​ဢမ်ႇ​မီး​ၽူႈလႂ်​ႁု​လႆႈ။ တမၢၼ်ႇၵၢင်ႁၢဝ်​တင်းလၢႆ​ဢမ်ႇ​ႁု။ လုၵ်ႈၸဝ်ႈ​ၵေႃႈ​ဢမ်ႇ​ႁု။ ပေႃႈၸဝ်ႈ​ၵူၺ်း​ႁု​ဢေႃႈ။

ၼင်ႇ​ၼၼ်​လႄႈ​ပေႃး​သူ​လႆႈ​ငိၼ်း​သဵင်​တိုၵ်းသိုၵ်း​တီႈ​ၸမ်​လႂ်၊ဢိၵ်ႇတင်း​ၶၢဝ်ႇငၢဝ်း​သိုၵ်း​တီႈ​ၵႆ​လႂ်​ၸိုင်၊ယႃႇပေ​တူၵ်းၸႂ်။ လွင်ႈတၢင်း​ၸိူဝ်း​ၼႆႉ​တၵ်း​လႆႈ​ပဵၼ်​မႃး​ဢေႃႈ။ ၼႂ်းဝႃႈၼၼ်​သေၵေႃႈ​ဢမ်ႇ​ပႆႇ​ပဵၼ်​တီႈသုတ်း​တီႈ​ၵွႆ။

ပိူဝ်ႈ​ၼႆ​လႄႈ​ပိူဝ်ႈ​ဢၼ်​သူ​ဢမ်ႇ​ႁု​ၸဝ်ႈႁိူၼ်း​တၵ်း​မႃး​ၶိုၼ်း​ၶိင်ႇ​လႂ်၊တၵ်း​ပဵၼ်​ၶိင်ႇ​ႁူဝ်ၶမ်ႈ​ႁိုဝ်း၊တၵ်း​ပဵၼ်​ၶိင်ႇတဵင်ႈၶိုၼ်း​ႁိုဝ်း၊တၵ်း​ပဵၼ်​ၶိင်ႇ​ၵႆႇ​ၶၼ်​ႁိုဝ်း၊တၵ်း​ပဵၼ်​ၶိင်ႇ​ႁူဝ်မိူင်း​သႂ်​ႁိုဝ်း​ဢမ်ႇ​ႁု​ၼၼ်ႉ​လႄႈ​တူင်ႉတိုၼ်ႇ​ပႂ်ႉထႃႈ​ယူႇ​တႃႉ။- ၵူဝ်​မၼ်း​ၽုတ်းၽၢတ်း​ပေႃႇမႃး​လႄႈ​ထူပ်း​ႁၼ်​သူ​ၼွၼ်းလပ်း​ယူႇ​ၼၼ်ႉ​ဢေႃႈ။- ဢၼ်​ၵဝ်​ဝႃႈ​တီႈ​သူ​လႄႈ​ဝႃႈ၊ ‘ပႂ်ႉထႃႈ​ယူႇ​တႃႉ၊’ ဝႃႈၼႆ​ၼၼ်ႉ​ၵဝ်​ဝႃႈ​တီႈ​ၵူၼ်း​တင်းသဵင်ႈတင်းလူင်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ၊မိူင်း​ၼိုင်ႈ​လႄႈ​မိူင်း​ၼိုင်ႈ​တၵ်း​လုၵ်ႉ​ၽိုၼ်ႉ​ၶတ်းတႃႉ​ၵၼ်​ဢေႃႈ။ တၵ်း​ပဵၼ်​တၢင်း​ဢၼ်​ဢိင်ႇသၼ်ႇ​ၵူႈတီႈၵူႈလႅၼ်၊ဢိၵ်ႇတင်း​တၢင်း​ဢၼ်​ဢိုပ်း​တၢင်းၵိၼ်​လႂ်​ဢေႃႈ။ လွင်ႈတၢင်း​ၸိူဝ်း​ၼႆႉ​ပဵၼ်​တၢင်း​ဢၼ်​တႄႇၸႃႉ​တုၵ်ႉၶႃႉ​တၢင်း​မႆႈၸႂ်​ၶီၸႂ်​ဢေႃႈ။

ၼႂ်းဝႃႈၼၼ်​သေၵေႃႈ၊ၸူဝ်ႈ​ဢၼ်​ၶိင်ႇ​ယၢမ်း​သုတ်းသဵင်ႈ​ဢမ်ႇ​ပႆႇ​ႁွတ်ႈထိုင်​ၼႆႉ၊ၶၢဝ်ႇတြႃးသိူဝ်းပျေႃႇ​တၵ်း​လႆႈ​ႁေႃးလၢတ်ႈ​ၸွတ်ႇ​ၵႂႃႇ​ထိုင်​တီႈ​ၵူၼ်း​မဵဝ်း​တင်းသဵင်ႈတင်းလူင်​ဢွၼ်တၢင်း​ဢေႃႈ။

ၵူၼ်း​ၼမ်ၼႃႇ​တၵ်း​ပေႃႇမႃး​လႄႈ​ႁိမ်​ဢဝ်​ၸိုဝ်ႈသဵင်​ၵဝ်​သေလႄႈ​လၢတ်ႈ​ဝႃႈ၊ ‘ၵဝ်​ၼႆႉ​ပဵၼ်​ၸဝ်ႈ​ၼၼ်ႉ​ဢေႃႈ၊’ ဝႃႈ​ၼင်ႇ​ၼႆ​သေယဝ်ႉ၊ပႅတ်ႉလႅၼ်​ၸူဝ်း​ဢဝ်​ၵူၼ်း​ၼမ်ၼႃႇ​ဢေႃႈ။

“သူ​ႁဵတ်း​သတိ​တီႈ​တူဝ်​သူ​တႃႉ။ ၵွပ်ႈပိူဝ်ႈ​ၸိူဝ်ႉႁိုဝ်​လႄႈ​ဝႃႈၼႆ၊ပိူၼ်ႈ​တၵ်း​တိဢဝ်​သူ​လႄႈ​ဢၢပ်ႈ​ၵႃႈၼႂ်း​လုမ်းလူင်​လႂ်၊တၵ်း​ပေႃႉ​ယႅၼ်ႉ​သူ​ၵႃႈၼႂ်း​ၸရွပ်ႈ​ႁေႃးတြႃး​လႂ်​ဢေႃႈ။ ၵွပ်ႈပိူဝ်ႈ​ၵဝ်​လႄႈ၊သူ​တၵ်း​လႆႈ​ၸုၵ်း​ယူႇ​ၽၢႆႇၼႃႈ​ဢမၢတ်ႈ​ၽွင်းမိူင်း​လႂ်၊ဢိၵ်ႇတင်း​ၶုၼ်ႁေႃၶမ်း​လႂ်၊ႁႂ်ႈ​သူ​လႆႈ​ၶၢမ်ႇသၢၵ်ႈသေႇ​ၽၢႆႇၼႃႈ​ၶဝ်​ၼၼ်ႉ​ဢေႃႈ။

ၵူၼ်း​ဢၼ်​ႁဵတ်း​ႁၢင်ႈ​ ၸဝ်ႈ​ၶရိၸ်ႈ၊ ဢိၵ်ႇတင်း​သြႃႇ​ႁဵတ်း​ႁၢင်ႈ​ပရေႃးၽႅတ်ႈ​တင်းလၢႆ​တၵ်း​ပေႃႇမႃး​သေလႄႈ​ႁဵတ်း​ၼႄ​ၼိမိၵ်ႈ​လၢၵ်ႈၶၼႃႇ​ဢၼ်​လၢၵ်ႇ​ဢၼ်​လၢႆး​ဢိၵ်ႇတင်း​လွင်ႈတၢင်း​ဢၼ်​လီဢၢမ်း​တင်းလၢႆ​လႄႈ​ပႅတ်ႉလႅၼ်​ဢမ်ႇၵႃး၊ပေႃး​ပဵၼ်​လႆႈ​ၸိုင်၊တၵ်း​ပႅတ်ႉလႅၼ်​ၶဝ်​ၸိူဝ်း​ဢၼ်​ၽြႃးပဵၼ်ၸဝ်ႈ​လိူၵ်ႈၵဵပ်း​ဢဝ်​တင်းလၢႆ​ၼၼ်ႉ​ဢေႃႈ။

“ၼႂ်း​ၶိင်ႇ​မိုဝ်ႉ​ဝၼ်း​ဝၢႆးသေ​ၽေး​တုၵ်ႉၶႃႉ​ပူၼ်ႉ​ယဝ်ႉ​ၼၼ်ႉ၊ၵၢင်ဝၼ်း​တၵ်း​လပ်းသိင်ႇ​ၵႂႃႇ၊လိူၼ်​ၵေႃႈ​တၵ်း​ဢမ်ႇ​ပၼ်​ဢၼ်​လႅင်း​မၼ်း​ယဝ်ႉ။- လၢဝ်​တင်းလၢႆ​တၵ်း​ႁူင်ႈ​တၵ်း​တူၵ်း​သေ​တွင်ႉၽႃႉ​လႄႈ​တၼ်းၶူဝ်း​ၵၢင်ႁၢဝ်​တင်းလၢႆ​ၵေႃႈ​တၵ်း​သၼ်ႇၶွၼ်း​ဢေႃႈ။