Popular Bible Verses from မႃႇ 1

Share

ၶိင်ႇၵၢင်ၼႂ်​ၸဝ်ႉ၊ၸူဝ်ႈ​ဢၼ်​မိူင်း​ဢမ်ႇ​ပႆႇ​လႅင်း​ၼၼ်ႉ၊ ၸဝ်ႈ​ယေႇသု၊ လုၵ်ႉ​သေလႄႈ​ဢွၵ်ႇ​ႁိူၼ်း​ၵႂႃႇ၊သမ်ႉ​ပႆ​ဢွၵ်ႇ​ဝဵင်း​ၵႂႃႇ​ၵႃႈတီႈ​ဢၼ်​ဢမ်ႇ​မီး​ၵူၼ်း​ၼၼ်ႉ​ယဝ်ႉ​ၸင်ႇ၊သူးတွင်း​ၵႃႈတီႈ​ၼၼ်ႈ​ဢေႃႈ။

“ဢၶိင်ႇ​မၼ်း​ထိုင်​မႃး​ယဝ်ႉ။ မိူင်းၽြႃးပဵၼ်ၸဝ်ႈ​မႃး​ၸမ်​ယူႇ​ယဝ်ႉ။ ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​သူ​တႃႉ။ ယုမ်ႇမၢတ်ႈ​တြႃး​သိူဝ်းပျေႃႇ​ၸဝ်ႈ​တႃႉ၊” ဝႃႈ​ၼင်ႇ​ၼႆ​ဢေႃႈ။

ယၢမ်း​မိူဝ်ႈ​ဢၼ်​ ၸဝ်ႈ​ယေႇသု၊ လုၵ်ႉ​သေ​ၵႃႈၼႂ်း​ၼမ်ႉ​ဢွၵ်ႇ​မႃး​ၵမ်းလဵဝ်​ယူႇ​ၼၼ်ႉ​ၸိုင်၊လႆႈ​ႁၼ်​ၼႃႈ​ၽႃႉၵၢင်ႁၢဝ်​ၽုၺ်ႇ​ပိုတ်ႇ​ၵႂႃႇ​သေလႄႈ​ဝိၺိၺ်ႇ​မူတ်းၸၢင်ႇ​ၸဝ်ႈ​ဢၼ်​ပဵၼ်​မိူၼ်​ၸိူဝ်ႉ​ၼင်ႇ​ၼူၵ်ႉတူႈ​ၼၼ်ႉ​လူင်း​မႃး​ၵႃႈၼိူဝ်​မၼ်းၸဝ်ႈ​ဢေႃႈ။- မိူဝ်ႈ​ၼၼ်ႉ၊မီး​သဵင်​ဢၼ်​လုၵ်ႉ​ၵႃႈတီႈ​ၵၢင်ႁၢဝ်​မေႃး​မႃး​လႄႈ​ဝႃႈ၊ “မႂ်း​ပဵၼ်​လုၵ်ႈ​ၵဝ်​ဢၼ်​ၵဝ်​ႁၵ်ႉ​ၼႃႇ၊ၵေႃႉ​ဢၼ်​ၵဝ်​ထုၵ်ႇၸႂ်​ၵျိူၵ်ႈၸႂ်​ၼႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵဝ်​ၼႆႉ​ပၼ်​မၢင်ႇၵလႃႇ​ပပ်ႉတိၸမ်ႇ​တီႈ​သူ​ၼႂ်း​ၼမ်ႉ​ၵူၺ်း​ဢေႃႈ။ ၸဝ်ႈ​ၼၼ်ႉ​ၸမ်ႉ၊တၵ်း​ပၼ်​မၢင်ႇၵလႃႇ​ပပ်ႉတိၸမ်ႇ​တီႈ​သူ​ၼႂ်း​ဝိၺိၺ်ႇ​ဢၼ်​မူတ်းၸၢင်ႇ​ၸဝ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ လၢတ်ႈ​တီႈ​ၶဝ်​လႄႈ​ဝႃႈ၊ “ၸွမ်း​ၵဝ်​မႃး​တႃႉ။ ၵဝ်​တၵ်း​ႁႂ်ႈ​သူ​ပဵၼ်​ၵူၼ်း​ဢၼ်​ႁႃ​ၵူၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။- ၶဝ်​ၵေႃႈ​ဝႆႉ​ပႅတ်ႈ​ၶႄ​ၶဝ်​ၵမ်းလဵဝ်​သေလႄႈ​ၸွမ်း​မၼ်းၸဝ်ႈ​ၵႂႃႇ​ဢေႃႈ။

ၶဝ်​ၸိူဝ်း​ဢၼ်​လႆႈ​ထွမ်ႇ​လႆႈ​ငိၼ်း​တင်းသဵင်ႈတင်းလူင်​ဢွၼ်ၵၼ်​ဢၢမ်း​လွင်ႈတၢင်း​ဢၼ်​မၼ်းၸဝ်ႈ​သင်ႇ​သွၼ်​ၼၼ်ႉ​ၼႃႇ​လူင်လၢင်၊ၵွပ်ႈပိူဝ်ႈ​မၼ်းၸဝ်ႈ​သင်ႇ​သွၼ်ပၼ်​ၶဝ်​မိူၼ်​ၸိူဝ်ႉ​ၼင်ႇ​သြႃႇ​မေႃ​ၵျၢမ်း​ထမ်ႇမႃႉ​ၶဝ်​ဢမ်ႇၸႂ်ႈ။ မိူၼ်​ၸိူဝ်ႉ​ၼင်ႇ​ၵေႃႉ​ဢၼ်​မီး​ဢႃႇၼႃႇ​ၼၼ်ႉ​ဢေႃႈ။