Popular Bible Verses from မတ်ႈ 3

ႁႂ်ႈ​မၢၵ်ႇ​ဢၼ်​ၵိုင်ႇ​ၵၼ်​တင်း​တၢင်း​ဢၼ်​ပိၼ်ႇၸႂ်​ၼၼ်ႉ​မၢၵ်ႇ​မႃး​တႃႉ။

သဵင်​ၸဝ်ႈ​ပဵၼ်​မႃး​ၵႃႈၼိူဝ်​ၵၢင်ႁၢဝ်​လႄႈ​ဝႃႈ၊ “ၵေႃႉ​ၼႆႉ​ၸမ်ႉ၊ပဵၼ်​လုၵ်ႈ​ၵဝ်​ဢၼ်​ၵဝ်​ႁၵ်ႉ​ၼႃႇ၊ၵေႃႉ​ဢၼ်​ၵဝ်​ထုၵ်ႇၸႂ်​ၵျိူၵ်ႈၸႂ်​ၼႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၶၢမ်ႇ​ဢဝ်​မၢင်ႇၵလႃႇ​ပပ်ႉတိၸမ်ႇ​သေယဝ်ႉ၊ၼႂ်း​မိူဝ်ႈ​ဢၼ်​မၼ်းၸဝ်ႈ​ဢွၵ်ႇ​သေ​ၵႃႈၼႂ်း​ၼမ်ႉ​မႃး​ၵမ်းလဵဝ်​ယူႇ​ၼၼ်ႉ၊ၵၢင်ႁၢဝ်​ၽုၺ်ႇ​ပိုတ်ႇ​ပုၼ်ႈ​မၼ်းၸဝ်ႈ​သေလႄႈ​မၼ်းၸဝ်ႈ​လႆႈ​ႁၼ်​ဝိၺိၺ်ႇ​ၽြႃးပဵၼ်ၸဝ်ႈ​ဢၼ်​မီး​ႁၢင်ႈၽၢင်​ၼူၵ်ႉတူႈ​ၼၼ်ႉ​လူင်း​မႃး​ၸပ်း​ယူႇ​ၵႃႈၼိူဝ်​မၼ်းၸဝ်ႈ​ဢေႃႈ။

ၵဝ်​ပၼ်​မၢင်ႇၵလႃႇ​ပပ်ႉတိၸမ်ႇ​တီႈ​သူ​လူၺ်ႈ​ၼမ်ႉ၊ပုၼ်ႈ​လွင်ႈ​ႁႂ်ႈလႆႈ​ၼႄပျႃး​လွင်ႈတၢင်း​ဢၼ်​ၶုၵ်းၸႂ်လႆႈ​မႆႈၸႂ်​ဢပျတ်ႈ​ၼၼ်ႉ​လႄႈ၊ၸဝ်ႈ​ဢၼ်​ၵျွ​မႃး​ပႃႈ​လိုၼ်း​ၵဝ်​ၼၼ်ႉ​တၵ်း​ပၼ်​မၢင်ႇၵလႃႇ​ပပ်ႉတိၸမ်ႇ​လူၺ်ႈ​ဝိၺိၺ်ႇ​ဢၼ်​မူတ်းၸၢင်ႇ​ၸဝ်ႈ၊ဢိၵ်ႇတင်း​လူၺ်ႈ​ၽႆး​တီႈ​သူ​ဢေႃႈ။ ၸဝ်ႈ​ၼၼ်ႉ​ထွတ်ႈ​မျၢတ်ႈ​ၼႃႇ​သေ​ၵဝ်​လူင်လၢင်​ထၢၼ်ႈပေႃး​ၵဝ်​ယင်း​ဢမ်ႇ​ထိူၵ်ႈ​ယိပ်း​ၶႅပ်းတိၼ်​မၼ်းၸဝ်ႈ​လႃးလႃး။

တေႃႈလဵဝ်​ၼႆႉ၊တႃမၢတ်ႇ​ငႃ​ၵႃႈတီႈ​ႁၢၵ်ႈ​တူၼ်ႈမႆႉ​ဝႆႉ​ယဝ်ႉ။ တူၼ်ႈ​ဢၼ်​ဢမ်ႇ​မၢၵ်ႇ​မၢၵ်ႇ​ဢၼ်​လီ​ၵူႈ​တူၼ်ႈ​ၼၼ်ႉ၊တၵ်း​လႆႈ​ၶၢမ်ႈ​တၢင်း​ဢၼ်​ပွမ်ႈ​ပႅတ်ႈ​ၸဵမ်​ငဝ်ႈ​ၸဵမ်​ႁၢၵ်ႈ​လႄႈ​တုတ်ႇၽႆး​ပႅတ်ႈ​ၵူၺ်း​ဢေႃႈ။

လွင်ႈ​ဢၼ်​ပရေႃးၽႅတ်ႈ ဢိသႃႇယႃႉ၊ ႁေႃးလၢတ်ႈ​ဝႆႉ​လွင်ႈ​ၵူၼ်း​ၵေႃႉ​ၼိုင်ႈ​လႄႈ​ဝႃႈ၊ “သဵင်​ၸဝ်ႈ​ဢၼ်​ပၢဝ်ႇ​သႅၼ်ႇ ၵႃႈၼႂ်း​ထိူၼ်ႇလႅင်ႉ​ၼၼ်ႉ​ဝႃႈ၊ ‘မႄးႁႅၼ်း​သဵၼ်ႈတၢင်း​ပုၼ်ႈ​ထႃႇဝရႃႉ​ၽြႃး​တႃႉ။ ႁႂ်ႈ​သဵၼ်ႈတၢင်း​သိုဝ်ႈလီ​ပုၼ်ႈ​မၼ်းၸဝ်ႈ​တၵ်း​ပႆ​တႃႉ။’ ” ဝႃႈ​ၼင်ႇ​ၼႆ​ၼၼ်ႉ​ၶႂ်ႈဝႃႈ၊ သြႃႇ​ ယူဝ်းႁၢၼ်ႇ၊ ၼႆႉ​ယဝ်ႉ။