Popular Bible Verses from မတ်ႈ 24

Share

လွင်ႈတၢင်း​ဢၼ်​ႁၢႆႉမိူၵ်ႈ​တေ​ၼမ်​ၵိုၼ်း​မႃး​လႄႈ​မႅတ်ႈတႃႇ​တၢင်းႁၵ်ႉ​တၵ်း​လဵၵ်ႉ​ၵေႇ​ဢေႇ​မၢင်​ၵႂႃႇ​ဢေႃႈ။- ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ယိူၼ်ႉၶၢမ်ႇ​မၼ်ႈၶိူင်ႇ​တေႃႇထိုင်​တီႈသုတ်း​ၼၼ်ႉ၊ၵေႃႉ​ၼၼ်ႉ​တၵ်း​လႆႈ​တၢင်း​ဢၼ်​ၵႄႇၶျွတ်ႈ​ဢဝ်​ဢေႃႈ။

ၶၢဝ်ႇတြႃးသိူဝ်းပျေႃႇ​လွင်ႈ​မိူင်း​ၸဝ်ႈ​ၼႆႉ၊တၵ်း​လႆႈ​ႁေႃးလၢတ်ႈ​ၸွတ်ႇ​ၵမ်ႇၽႃႇ​ၵူႈတီႈၵူႈလႅၼ်၊ပုၼ်ႈ​ဢၼ်​တၵ်း​ပဵၼ်​သၢၵ်ႈသေႇ​တီႈ​ၵူၼ်း​မဵဝ်း​တင်းသဵင်ႈတင်းမူတ်း​ယဝ်ႉ၊ယဝ်ႉ​ၸင်ႇ​တၵ်း​ပဵၼ်​တီႈသုတ်းတီႈၵွႆ​ဢေႃႈ။

သူ​တေ​လႆႈ​ငိၼ်း​သဵင်​ၶၢဝ်ႇ​ဢၼ်​တိုၵ်းသိုၵ်း​တီႈ​ၸမ်၊ဢိၵ်ႇတင်း​သဵင်​ၶၢဝ်ႇ​တိုၵ်းသိုၵ်း​တီႈ​ၵႆ​ၼၼ်ႉ​ဢေႃႈ။ ၵူၺ်းၵႃႈ၊ယႃႇပေ​မႆႈၸႂ်။ လွင်ႈတၢင်း​ၸိူဝ်း​ၼႆႉ​တၵ်း​လႆႈ​ပဵၼ်​မႃး​ဢေႃႈ။ ၼႂ်းဝႃႈၼၼ်​သေၵေႃႈ​ဢမ်ႇ​ပႆႇ​ပဵၼ်​တီႈသုတ်းတီႈၵွႆ။

မိူင်း​ၼိုင်ႈ​လႄႈ​မိူင်း​ၼိုင်ႈ၊တၵ်း​တိုၵ်းတေႃး​ၵၼ်​လႄႈ​ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ​တၵ်း​ၶတ်းတႃႉ​ၵၼ်​ဢေႃႈ။ တၢင်း​ဢၼ်​ၶဝ်ႈၵႃႈမၢၵ်ႇပႅင်း၊တၢင်း​ဢၼ်​ပဵၼ်​ၵႃႇလႃႉႁႃႈလႅင်မိူင်း၊ဢိၵ်ႇတင်း​တၢင်း​ဢၼ်​ဢိင်ႇသၼ်ႇ​ၸိူဝ်း​ၼႆႉ​တၵ်း​ပေႃႇ​ပဵၼ်​တီႈ​ပဵၼ်​တီႈ​ဢေႃႈ။- လွင်ႈတၢင်း​ၵႃႈမီး​ၸိူဝ်း​ၼႆႉ၊ပဵၼ်​မိူၼ်​ၸိူဝ်ႉ​ၼင်ႇ​မိူဝ်ႈ​ၵေႃႇၸႃႉ​ဝူၺ်ႇတၼႃႇ​ဢၼ်​တၵ်း​ၵိူတ်ႇလဵင်ႉ​လုၵ်ႈ​ၼၼ်ႉ​ဢေႃႈ။

ၽႃႉၵၢင်ႁၢဝ်​တင်း​လိၼ်မိူင်း​ၼႆႉ​တၵ်း​ဝၢႆး​ႁၢႆ​ၵႂႃႇ​ဢေႃႈ။ ၵႂၢမ်း​ၵဝ်​ၸိူဝ်း​ၼႆႉ​ၸိုင်၊တၵ်း​ဢမ်ႇ​ႁူင်ႈ​ဢမ်ႇ​ႁၢႆ​လႃးလႃး။

ၵူၼ်း​ၼမ်ၼႃႇ​တၵ်း​ပေႃႇမႃး​သေယဝ်ႉ၊ႁိမ်​ဢဝ်​ၸိုဝ်ႈသဵင်​ၵဝ်​သေလႄႈ​လၢတ်ႈ​ဝႃႈ၊ ‘ၵဝ်​ၼႆႉ​ပဵၼ်​ ၸဝ်ႈ​ၶရိၸ်ႈ၊ ယဝ်ႉ၊’ ဝႃႈ​ၼင်ႇ​ၼႆ​ပႅတ်ႉလႅၼ်​ၵူၼ်း​ၼမ်ၼႃႇ​ဢေႃႈ။

“ၶိင်ႇ​မိူဝ်ႈ​ၼၼ်ႉ၊ပိူၼ်ႈ​တၵ်း​တိမတ်ႉ​ဢဝ်​သူ​လႄႈ​ဢဝ်​သူ​ဢၢပ်ႈ​ၵႃႈတီႈ​တၢင်း​ဢၼ်​ၸီႇယၢင်ႇ​ပၼ်တၢမ်ႇ​ဢိၵ်ႇတင်း​ႁႂ်ႈလႆႈ​ဢဝ်​သူ​တၢႆ​ဢေႃႈ။ ၵူၼ်း​မဵဝ်း​တင်းသဵင်ႈတင်းလူင်​တၵ်း​ၸင်း​သူ​ၵွပ်ႈပိူဝ်ႈ​ၼႃႇမႃႉ​ၸိုဝ်ႈသဵင်​ၵဝ်​ၼၼ်ႉ​ဢေႃႈ။- ၶိင်ႇ​မိူဝ်ႈ​ၼၼ်ႉ၊ၵူၼ်း​ၼမ်ၼႃႇ​ၸႂ်​တၵ်း​လု​လႄႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တၵ်း​ၶႃႉၸိုဝ်ႈ​ၶၢႆသဵင်​ၵၼ်​လႄႈ​ၸင်း​ၵၼ်​ဢေႃႈ။- ၵမ်း​ၼၼ်ႉ၊မိၵ်ႉသႃႇ​ပရေႃးၽႅတ်ႈ ၼမ်ၼႃႇ​တၵ်း​ပေႃႇမႃး​လႄႈ​ပႅတ်ႉလႅၼ်​ၵူၼ်း​ၼမ်ၼႃႇ​ဢေႃႈ။

ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “ႁဵတ်း​သတိ​တႃႉ။ ယႃႇပေ​ႁႂ်ႈ​ပိူၼ်ႈ​လႆႈ​ပႅတ်ႉလႅၼ်​သူ။

ၵွပ်ႈ​ၸိူဝ်ႉ​ၼင်ႇ​ၼႆ​လႄႈ​ၵွပ်ႈပိူဝ်ႈ​ဢၼ် ၸဝ်ႈ​လုၵ်ႈၵူၼ်း၊ တၵ်း​ႁွတ်ႈမႃး​ၼႂ်း​ၶိင်ႇၼႃႇရီႇ​ဝၼ်း​ဢၼ်​ဢမ်ႇ​ထၢင်ႇ​ဢမ်ႇ​ထိူမ်​ၼၼ်ႉ၊ႁႂ်ႈ​သူ​တၼ်း​ဝႆႉ​တႃႉ။

ပိူဝ်ႈ​ၼႆ​လႄႈ​ၵွပ်ႈပိူဝ်ႈ​ဢၼ်​သူ​ဢမ်ႇ​ႁု​ၶိင်ႇ​ၼႃႇရီႇ​ဝၼ်း​ဢၼ်​ၸဝ်ႈၽြႃး​သူ​တၵ်း​ႁွတ်ႈမႃး​ၼၼ်ႉ​လႄႈ​ဝႆႉ​သတိ​ပႂ်ႉ​ယူႇ​တႃႉ။

“ၽူႈလႂ်​ဢမ်ႇ​ႁု​ၶိင်ႇ​ၼႃႇရီႇ​ဝၼ်း​ဢၼ်​တၵ်း​ပဵၼ်​မႃး​ၼၼ်ႉ။ တမၢၼ်ႇၵၢင်ႁၢဝ်​တင်းလၢႆ​ၵေႃႈ​ဢမ်ႇ​ႁု။ ၸဝ်ႈ​လုၵ်ႈၵူၼ်း၊ ၵေႃႈ​တေႃႈယင်း​ဢမ်ႇ​ႁု။ မီး​ပေႃႈၸဝ်ႈ​ၵဝ်​သူႇလဵဝ်​ပႃးလဵဝ်​ၵူၺ်း​ႁု​ဢေႃႈ။

လွင်ႈ​မၼ်း​ၸမ်ႉ၊ၵူၼ်း​ဢၼ်​ႁဵတ်း​ႁၢင်ႈ​ ၸဝ်ႈ​ၶရိၸ်ႈ၊ ဢိၵ်ႇတင်း​မိၵ်ႉသႃႇ​ပရေႃးၽႅတ်ႈ​တၵ်း​ပေႃႇမႃး​ၼမ်ၼႃႇ​လႄႈ​ၶဝ်​တၵ်း​ႁဵတ်း​ၼိမိၵ်ႈ​လၢၵ်ႈၶၼႃႇ​ဢၼ်​လၢၵ်ႇ​ဢၼ်​လၢႆး​ဢၼ်​လီဢၢမ်း​လႂ်၊ႁႂ်ႈလႆႈ​ႁဵတ်း​တၢင်း​ဢၼ်​ပႅတ်ႉလႅၼ်​ဢၼ်​ယႂ်ႇ​ၼႃႇ​လႄႈ၊သင်​ပဵၼ်​လႆႈ​ၸိုင်၊ၵူၼ်း​ၸိူဝ်း​ဢၼ်​ၶၢမ်ႇ​တၢင်း​လိူၵ်ႈၵဵပ်း​ဝႆႉ​ယဝ်ႉ​ၸိူဝ်း​ၼၼ်ႉ​ၵေႃႈ၊ယင်း​တေ​ပႅတ်ႉလႅၼ်​ပႃး​လူးၵွၼ်ႇ​ဢေႃႈ။

တၢင်း​ဢၼ်​ ၸဝ်ႈ​လုၵ်ႈၵူၼ်း၊ မႃး​ၼၼ်ႉ၊တၵ်း​ပဵၼ်​ၸိူဝ်ႉ​ၼင်ႇ​ဢၼ်​ပဵၼ်​ၼႂ်း​ၸူဝ်ႈပၢၼ်​ ၼူဝ်းဢႃႇ၊ ၼၼ်ႉ​ဢေႃႈ။ ၸူဝ်ႈ​ဝၼ်း​ဢၼ်​ၼမ်ႉထူမ်ႈမိူင်း​ဢမ်ႇ​ပႆႇ​ပဵၼ်​ၼၼ်ႉ၊ၵူၼ်း​တင်းလၢႆ​ၵိၼ်​ပျေႃႇ​ယူႇ၊ဢဝ်ၽူဝ်​ဢဝ်မေး​ယူႇ​တေႃႇထိုင်ႁွတ်ႈ​ဝၼ်း​ဢၼ် ၼူဝ်းဢႃႇ၊ ၶဝ်ႈ​ႁိူဝ်းသၢင်းၽေႃး​ၼၼ်ႉ​လႄႈ၊- ယင်း​ဢမ်ႇ​မီး​သတိ​ၵႃႈသင်​တေႃႇထိုင်​ၼမ်ႉထူမ်ႈမိူင်း​မႃး​ဢဝ်​ၶဝ်​လွင်ႈ​ၵႂႃႇ​ပႅတ်ႈ​သဵင်ႈ​မူတ်း​ဢေႃႈ။ မိူၼ်ၼင်ႇ​ၼၼ်​တၵ်း​ပဵၼ်​ၼႂ်း​တၢင်း​ဢၼ်​ ၸဝ်ႈ​လုၵ်ႈၵူၼ်း၊ မႃး​ၼၼ်ႉ​ဢေႃႈ။