Popular Bible Verses from မတ်ႈ 15

Share

ၵူၺ်းၵႃႈ၊ၵႃႈ​ဢၼ်​ဢွၵ်ႇ​သူပ်း​ၼၼ်ႉ၊လုၵ်ႉ​သေ​ၵႃႈၼႂ်း​ႁူဝ်ၸႂ် ဢွၵ်ႇ​မႃး​လႄႈ​ဢၼ်​ၼၼ်ႉ​ႁဵတ်း​ႁႂ်ႈ​ၵူၼ်း​ၵူဝ်ႈၵိူၵ်ႇ​ဢေႃႈ။- ဢၼ်​ဢွၵ်ႇ​ၵႃႈၼႂ်း​ႁူဝ်ၸႂ်​မႃး​ၼၼ်ႉ​ပဵၼ်​တၢင်းၵျၢမ်ႇ​ဢၼ်​ႁၢႆ​မိူၵ်ႈ​လႄႈ​ပဵၼ်​တၢင်း​ဢၼ်​ဢဝ်​ဢသၢၵ်ႈ​ၵူၼ်းတၢႆ၊တၢင်း​ဢၼ်​ၵူတ်ႉ​မေး​ပိူၼ်ႈ၊တၢင်း​ဢၼ်​ၽိတ်းပိူင်ႈ​ၵႃႇမေႇသု၊တၢင်း​ဢၼ်​လၵ်ႉ​ပိူၼ်ႈ​ၸူၼ်​ပိူၼ်ႈ၊တၢင်း​ဢၼ်​ၶၢမ်ႇသၢၵ်ႈသေႇ​ဢၼ်​ဢမ်ႇ​ၸိုဝ်ႈ​ဢမ်ႇၸႂ်ႈ၊တၢင်း​ဢၼ်​သႄႉသွမ်း​ပိူၼ်ႈ​တၢင်ႇၵေႃႉ​ၸိူဝ်း​ၼႆႉ၊

ၶိူင်ႈပိူင်​ဢၼ်​ၶဝ်ႈ​သူပ်း​ၼၼ်ႉ​ႁႂ်ႈ​ၵူၼ်း​ၵူဝ်ႈၵိူၵ်ႇ​ဢမ်ႇၸႂ်ႈ။ ဢၼ်​ဢွၵ်ႇ​သူပ်း​ၼၼ်ႉ​ၵူၺ်း​ႁႂ်ႈ​ၵူၼ်း​ၵူဝ်ႈၵိူၵ်ႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

“‘ၵူၼ်း​ၸိူဝ်း​ၼႆႉ​ဢဝ်​တင်း​သူပ်း​ၵူဝ်းၵႂၢႆႇ​ၵဝ်​ၵူၺ်း​လႄႈ၊ ႁူဝ်ၸႂ်​ၶဝ်​ယၢၼ်​ၵႆ​ၵၼ်​တင်း​ၵဝ်​ဢေႃႈ။ ၶဝ်​ဢဝ်​ထုင်းတြႃး​ဢၼ်​ၵူၼ်း​ႁဵတ်း​ဝႆႉ​ၸိူဝ်း​ၼၼ်ႉ၊ သင်ႇ​သွၼ်ပၼ်​ၸိူဝ်ႉ​ၼင်ႇ​ပိင်းၺၢပ်ႈတြႃး​ၸဝ်ႈ​လႄႈ ႁဵတ်း​တၢင်း​ဢၼ်​ၵူဝ်းၵႂၢႆႇ​ၵဝ်​လၢႆ​လၢႆ​လွၵ်ႇ​လွၵ်ႇ​ၵူၺ်း​ဢေႃႈ၊’ ဝႃႈ​ၼင်ႇ​ၼႆ​ၼၼ်ႉ၊ ပဵၼ်​သူ​ၸိူဝ်း​ၼႆႉ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၵေႃႈ​လၢတ်ႈ​လႄႈ​ဝႃႈ၊ “မႂ်း​ပဵၼ်​မႄႈယိင်း​ဢၼ်​တၢင်းယုမ်ႇမၢတ်ႈ​ယႂ်ႇ​ၼႃႇ​ဢေႃႈ။ ၵႃႈ​ၼင်ႇ​ဢၼ်​မႂ်း​မီး​ဢလူဝ်ႇ​ၼၼ်ႉ​ႁႂ်ႈ​ပဵၼ်​တီႈ​မႂ်း​တႃႉ၊” ဝႃႈ​ၼင်ႇ​ၼႆ​လႄႈ​ၼႂ်း​ၶိင်ႇ​ၼၼ်ႉ​ၵမ်းလဵဝ်​လုၵ်ႈယိင်း​မၼ်း​လႆႈ​ႁွတ်ႈထိုင်​တၢင်း​ဢၼ်​ၸိုၼ်ႈ​ႁၢႆ​ဢေႃႈ။

ၵမ်း​ၼၼ်ႉ မႄႈယိင်း​ၼၼ်ႉ​ၶုပ်ႉၶဝ်ႇ​တီႈ​ႁိမ်း​တိၼ်​ၸဝ်ႈ​လႄႈ​လဝ်ႈလၢတ်ႈ​ဝႃႈ၊ “ဢဵတ်းလူ​ၸွႆႈထႅမ်​ၵဝ်ၶႃႈ​သေၵမ်း​ၶႃႈၸဝ်ႈ၊” ဝႃႈ​ၼင်ႇ​ၼႆ​ယဝ်ႉ​ၸင်ႇ။ မၼ်းၸဝ်ႈ​လၢတ်ႈ​တီႈ​မႄႈယိင်း​ၼၼ်ႉ​လႄႈ​ဝႃႈ၊ “တၢင်းၵိၼ်​လုၵ်ႈလၢင်း​ဢမ်ႇ​ထုၵ်ႇလီ​ပႅတ်ႈ​ဢွႆႇ​မႃ​ၵူၺ်း၊” ဝႃႈ​ၼင်ႇ​ၼႆ​ဢေႃႈ။ မႄႈယိင်း​ၼၼ်ႉ​ၵေႃႈ၊တွင်းပၢၼ်ႇ​လႄႈ​လဝ်ႈလၢတ်ႈ​ဝႃႈ၊ “ၸႂ်ႈ​တႄႉ​ၶႃႈ​ယဝ်ႉ​ၸဝ်ႈ။ ၵူၺ်းၵႃႈ၊မႃ​ယင်း​လႆႈ​ၵဵပ်း​ၵိၼ်​ဢၼ်​ယွႆႈ​ဢၼ်​ယႅမ်း​ဢၼ်​တူၵ်း​ၵႃႈတႂ်ႈ​ၽိူၼ်​ၸဝ်ႈ​မၼ်း​ၼၼ်ႉ​ယူႇ​ၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။