Popular Bible Verses from မတ်ႈ 13

Share

မဵတ်ႉ​ၽၼ်း​ဢၼ်​တူၵ်း​ၵႃႈတီႈ​လိၼ်​လီ​ၼၼ်ႉ​ၸိုင်၊မိူၼ်​ၶဝ်​ၸိူဝ်း​ဢၼ်​လႆႈ​ငိၼ်း​တြႃး​ၸဝ်ႈ​လႄႈ​လူင်ႉ​လႅင်း​ပွင်ႇၸႂ်​သေယဝ်ႉ၊မၢၵ်ႇ​မႃး​မၢၵ်ႇ​မၼ်း​ၵမ်ႈၽွင်ႈ​ပၢၵ်ႇ​ပုၼ်ႈ၊ၵမ်ႈၽွင်ႈ​ႁူၵ်း​သိပ်း​ပုၼ်ႈ၊ ၵမ်ႈၽွင်ႈ​သၢမ်​သိပ်း​ပုၼ်ႈ​ဢေႃႈ၊” ဝႃႈ​ၼင်ႇ​ၼႆ​မၼ်းၸဝ်ႈ​ႁေႃးလၢတ်ႈ​ဢေႃႈ။

မဵတ်ႉ​ၽၼ်း​ဢၼ်​တူၵ်း​ၼႂ်း​ယုမ်းၼၢမ်​ၼၼ်ႉ​သမ်ႉ​မိူၼ်​ၶဝ်​ၸိူဝ်း​ဢၼ်​လႆႈ​ငိၼ်း​တြႃး​ၸဝ်ႈ​လႄႈ​ၵွပ်ႈပိူဝ်ႈ​တၢင်း​ဢၼ်​မႆႈၸႂ်​လူၺ်ႈ​လွင်ႈ​လေႃးၵီႇ၊ဢိၵ်ႇတင်း​တၢင်း​ဢၼ်​ၸပ်းၸွႆး​လူၺ်ႈ​လွင်ႈ​မၢၵ်ႈမီး​ၼၼ်ႉ​ႁူမ်ႇ​သုမ်ႇ​ႁတ်ႉ​ဝႆႉ​ႁူဝ်ၸႂ်​တၢင်း​ဢၼ်​ယုမ်ႇမၢတ်ႈ​ၶဝ်​လႄႈ​ဢမ်ႇ​မၢၵ်ႇ​မၢၵ်ႇ​မႃး​လႆႈ။

ၶဝ်​ၸိူဝ်း​ဢၼ်​လႆႈ​ငိၼ်း​တြႃး​မိူင်း​ၸဝ်ႈ​လႄႈ​ဢမ်ႇ​လူင်ႉ​ဢမ်ႇ​လႅင်း​ၼၼ်ႉ၊မိူၼ်​မဵတ်ႉ​ၽၼ်း​ဢၼ်​တူၵ်း​ၵႃႈၼိူဝ်​ၵၢင်တၢင်း​ၼၼ်ႉ​ဢေႃႈ။ မႃႇၼၢတ်ႈ​မႃး​ယႃႉပႅတ်ႈ​မဵတ်ႉ​ၽၼ်း​တြႃး​ဢၼ်​တူၵ်း​ဝႆႉ​ၵႃႈၼႂ်း​ႁူဝ်ၸႂ်​ၶဝ်​ၼၼ်ႉ​ဢေႃႈ။

မဵတ်ႉ​ၽၼ်း​ဢၼ်​တူၵ်း​ၵႃႈတီႈ​လိၼ်​ဢၼ်​မီး​မၢၵ်ႇႁိၼ်​ၼမ်​ၼၼ်ႉ​ၸမ်ႉ၊မိူၼ်​ၶဝ်​ၸိူဝ်း​ဢၼ်​လႆႈ​ငိၼ်း​လႄႈ​ၸူမ်းသိူဝ်း​ႁပ်ႉတုင်း​ဢဝ်​တြႃး​ၸဝ်ႈ​ၵမ်းလဵဝ်​ၼၼ်ႉ​ဢေႃႈ။- ၵွပ်ႈပိူဝ်ႈ​ႁၢၵ်ႈ​တြႃး​ဢမ်ႇ​ယင်ႇ​လိုၵ်ႉ​လူင်း​ၼႂ်း​ႁူဝ်ၸႂ်​ၶဝ်​လႄႈ​ဢမ်ႇ​ၸုၵ်း​ဢမ်ႇ​ၶၢမ်ႇ​လႆႈ​တုၵ်ႉၶႃႉ​တၢင်း​ဢၼ်​ယႃႉယုၵ်ႉ​ၵွပ်ႈ​တြႃး​ၸဝ်ႈ​လႄႈ​ၶဝ်​ၸႂ်လု​ၵႂႃႇ​ၵမ်းလဵဝ်​ၼၼ်ႉ​ဢေႃႈ။

“မိူင်းၵၢင်ႁၢဝ်​ၸဝ်ႈ​မိူၼ်​ၵူၼ်း​ၵေႃႉ​ၼိုင်ႈ၊ၶုတ်း​ၺႃး​ၽၼ်ႇတႃႇ​ဢၼ်​ၽင်​ဝႆႉ​ၵႃႈၼႂ်း​သူၼ်​ဢေႃႈ။ မၼ်း​ၶိုၼ်း​ဢဝ်​ၵူမ်​လိၼ်​ဝႆႉ​သေယဝ်ႉ၊ၸူမ်းၸူမ်းသိူဝ်းသိူဝ်း​ၵႂႃႇ​ၶၢႆ​ပႅတ်ႈ​ၵႃႈ​ဢၼ်​မၼ်း​မီး​တင်းသဵင်ႈတင်းလူင်၊ႁႂ်ႈလႆႈ​ငိုၼ်း​ၵုမ်ႇ​ၵႃႈၶၼ်​မၼ်း​လႄႈ​ၶိုၼ်း​ၵႂႃႇ​သိုဝ်ႉ​ဢဝ်​သူၼ်​ၼၼ်ႉ​ဢေႃႈ။

ၵူၺ်းၵႃႈ၊မဵတ်ႉ​ၽၼ်း​ၵမ်ႈၽွင်ႈ​တူၵ်း​ၵႃႈၼိူဝ်​လိၼ်​လီ​လႄႈ​မၢၵ်ႇႁူင်း​မၼ်း​ၼမ်​ၵိုၼ်း​မႃး​တီႈ​မၢင်​တူၼ်ႈ​ပၢၵ်ႇ​ပုၼ်ႈ၊ မၢင်​တူၼ်ႈ​ႁူၵ်း​သိပ်း​ပုၼ်ႈ၊တီႈ​မၢင်​တူၼ်ႈ​သၢမ်​သိပ်း​ပုၼ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ပွႆႇ​ႁႂ်ႈ​တူၼ်ႈ​တင်း​သွင်​မဵဝ်း​ၼႆႉ​ယႂ်ႇမႃး​ၸွမ်း​ၵၼ်​တေႃႇထိုင်​ၶိင်ႇ​ဢၼ်​ပၢတ်ႇ​ဢဝ်​ၼၼ်ႉ​တႃႉ။ ၵဝ်​တၵ်း​ၸႂ်ႉ​ၵူၼ်း​ပၢတ်ႇ​ၶဝ်ႈ​ၼၼ်ႉ​လိူၵ်ႈ​ထူၺ်ႈ​ပႅတ်ႈ​တူၼ်ႈဝင်​ဢွၼ်တၢင်း​ယဝ်ႉ​ၸင်ႇ၊မတ်ႉ​သေလႄႈ​တုတ်ႇၽႆး​ပႅတ်ႈ​ဢေႃႈ။ ၶဝ်ႈၵျုင်ႇ​ၸမ်ႉ၊တၵ်း​ႁႂ်ႈ​ၶဝ်​ဢဝ်​သိမ်း​ဝႆႉ​ၵႃႈၼႂ်း​ယွင်​ၼႂ်း​ယေး​ဢေႃႈ၊’ ဝႃႈ​ၼင်ႇ​ၼႆ​ဢေႃႈ” မၼ်းၸဝ်ႈ​ႁေႃးလၢတ်ႈ​ၸိူဝ်ႉ​ၼင်ႇ​ၼႆ​ဢေႃႈ။