Popular Bible Verses from ဢွၵ်ႇၵႂႃႇ 24

Share

ၵမ်း​ၼၼ်ႉ ဢရွင်ႇ​မုၼ်ၽုင်း​ ထႃႇဝရႃႉ​ၽြႃး၊ ပဵၼ်​ၸိူဝ်ႉ​ၼင်ႇ​မုၵ်ႉၽႆး​ဢၼ်​မႆႈ​ယူႇ​ၵႃႈၼိူဝ်​ပၢႆၸိၵ်း​လွႆ​ၸဝ်ႈ​ၼၼ်ႉ​သိုဝ်ႈ​ၼႃႈ​တႂ်ႈတႃ​ၵူၼ်း​မဵဝ်း​ ဢိသရေး၊ တင်းလၢႆ​ဢေႃႈ။- မူဝ်းသေႇ၊ ၵေႃႈ​ၶဝ်ႈ​ၵႂႃႇ​ၵႃႈၼႂ်း​မွၵ်ႇၵုမ်ႈ​ၼၼ်ႉ​လႄႈ​ၶိုၼ်ႈ​လွႆ​ၸဝ်ႈ​ၼၼ်ႉ​ၵႂႃႇ​သေ​ဢေႃႈ။ ႁဵတ်း​ၼၼ်ႉ​လႄႈ​ မူဝ်းသေႇ၊ ယူႇ​ၵႃႈၼိူဝ်​လွႆ​ၸဝ်ႈ​ၼၼ်ႉ​သီႇ​သိပ်း​ဝၼ်း​သီႇ​သိပ်း​ၶိုၼ်း​တဵမ်တဵမ်​ဢေႃႈ။

မုၼ်ၽုင်း​ ထႃႇဝရႃႉ​ၽြႃး၊ တႄႇ​သဝ်း​ၵႃႈၼိူဝ်​လွႆ သိၼႃႉ၊ ယူႇ​လႄႈ၊မွၵ်ႇၵုမ်ႈ​ႁူမ်ႇ​သုမ်ႇ​လွႆ​ၸဝ်ႈ​ဝႆႉ၊ႁူၵ်း​ဝၼ်း​တဵမ်တဵမ်​ဢေႃႈ။ ၼႂ်း​ဝၼ်း​ဢၼ်​ထူၼ်ႈ​ထိုင်​ၸဵတ်း​ဝၼ်း​ၼၼ်ႉ​မၼ်းၸဝ်ႈ​ယူႇ​ၵႃႈၼႂ်း​မွၵ်ႇၵုမ်ႈ​သေလႄႈ​ႁွင်ႉ​ မူဝ်းသေႇ၊ ဢေႃႈ။

ထႃႇဝရႃႉ​ၽြႃး၊ မီး​ဢမိင်ႉ​တီႈ​ မူဝ်းသေႇ၊ လႄႈ​ဝႃႈ၊ “ၶိုၼ်ႈ​မႃး​ၸူး​ၵဝ်​ၵႃႈတီႈ​ၼိူဝ်​လွႆ​တႃႉ။ ယၢမ်း​မိူဝ်ႈ​ဢၼ်​မႂ်း​ပႂ်ႉ​ယူႇ​တီႈ​ၼႆႈ​ၼၼ်ႉ​ၵဝ်​တၵ်း​ပၼ်​မႂ်း​မၢၵ်ႇႁိၼ်​သွင်​ၽႅၼ်ႇ​ဢၼ်​တႅမ်ႈ​တြႃး​ၸဝ်ႈ​တင်း​ပိင်းၺၢပ်ႈ​ၸဝ်ႈ​ဝႆႉ​ယဝ်ႉ​ၼၼ်ႉ၊ပုၼ်ႈ​ဢၼ်​မႂ်း​တၵ်း​သင်ႇ​သွၼ်​ပိူၼ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။