Popular Bible Verses from ဢွၵ်ႇၵႂႃႇ 11

Share

မိူဝ်ႈၼၼ်ႉ ထႃႇဝရႃႉ​ၽြႃး၊ လၢတ်ႈ​တီႈ​ မူဝ်းသေႇ၊ လႄႈ​ဝႃႈ၊ “ၵဝ်​တၵ်း​ပွႆႇ​ၽေး​တၢမ်ႇ​ထႅင်ႈ​မဵဝ်း​ၼိုင်ႈ​ႁႂ်ႈ​တူၵ်း​ႁွတ်ႈ​ၵႃႈၼိူဝ်​ၶုၼ်ႁေႃၶမ်း​ဢိၵ်ႇတင်း​ၶႃႈဝၢၼ်ႈၵူၼ်းမိူင်း​မၼ်း​လူးၵွၼ်ႇ​ဢေႃႈ။ ဝၢႆး​ၼၼ်ႉ မၼ်း​တၵ်း​ပွႆႇ​သူ​ၵႂႃႇ​ဢေႃႈ။ မၼ်း​ယင်း​တၵ်း​လိုပ်ႈ​ႁေႃႈ​သူ​ဢွၵ်ႇ​ၽွမ်ႉ​မိူဝ်ႈလဵဝ်​ၵၼ်​ၵမ်းလဵဝ်​ဢေႃႈ။

ၵမ်း​ၼၼ်ႉ၊ၵႃႈ​ဢၼ်​ပဵၼ်​လုၵ်ႈတူၼ်ႈ​ၵူႈ​ၵေႃႉ​ဢၼ်​မီး​ၵႃႈၼႂ်း​မိူင်း​ ဢေးၵျိပ်ႉ၊ ၼၼ်ႉ​တၵ်း​လႆႈ​တၢႆ​ဢေႃႈ။ တႄႇ​ဢဝ်​ၸႃႉၸဵမ်​လုၵ်ႈတူၼ်ႈ​ၶုၼ်ႁေႃၶမ်း၊လုၵ်ႈတူၼ်ႈ​ဢၼ်​တၵ်း​သိုပ်ႇ​ၼင်ႈ​ႁၢင်ႈ​ၼင်ႈႁေႃ​တေႃႇထိုင်ႁွတ်ႈ​လုၵ်ႈတူၼ်ႈ​မႄႈယိင်း​ၶႃႈ​ဢၼ်​လူၺ်​ၶဝ်ႈၵျုင်ႇ​ယူႇ​ၸိူဝ်း​ၼၼ်ႉ​တၵ်း​တၢႆ​ဢေႃႈ။ လုၵ်ႈတူၼ်ႈ​သူဝ်း၊ဝူဝ်း၊ပႄႉ​တင်းလၢႆ​ၵေႃႈ​တၵ်း​တၢႆ​ၼင်ႇၵဝ်ႇ​ဢေႃႈ။- သဵင်​ဢၼ်​ႁွင်ႉႁႆႈ​ဢၼ်​ယႂ်ႇ​ၼႃႇ​တၵ်း​ၸွတ်ႇတူဝ်ႈ​ၵႃႈၼႂ်း​မိူင်း​ ဢေးၵျိပ်ႉ၊ ၵႂႃႇ​ၵူႈတီႈၵူႈလႅၼ်​ဢေႃႈ။ တၢင်း​ဢၼ်​ႁွင်ႉ​ဢၼ်​ႁႆႈ​မဵဝ်း​ၼၼ်ႉ​မိူဝ်ႈၵွၼ်ႇ​ဢွၼ်​ၼၼ်ႉ​ဢမ်ႇ​ပႆႇ​တွၼ်ႉ​ပဵၼ်​သေပွၵ်ႈ။ ၵမ်းလိုၼ်း​ၵေႃႈ​တၵ်း​ဢမ်ႇ​ပဵၼ်​ထႅင်ႈ​သေပွၵ်ႈ​ဢေႃႈ။

ထႃႇဝရႃႉ​ၽြႃး၊ လၢတ်ႈ​တီႈ​ မူဝ်းသေႇ၊ လႄႈ​ဝႃႈ၊ “ၶုၼ်ႁေႃၶမ်း​တၵ်း​ဢမ်ႇ​ထွမ်ႇဢဝ်​ၵႂၢမ်း​မႂ်း​လႃးလႃး၊ပုၼ်ႈ​လွင်ႈ​ၼင်ႇ​ႁိုဝ်​ၵဝ်​တၵ်း​ယဵင်ႈၶႅၼ်း​လႆႈ​ႁဵတ်း​ၼႄ​ၼိမိၵ်ႈ​လၢၵ်ႈၶၼႃႇ​ဢၼ်​လီဢၢမ်း​ဢၼ်​ၼမ်​ၵိုၼ်း​ၼႃႇ​ၵႃႈၼႂ်း​မိူင်း​ ဢေးၵျိပ်ႉ၊ ၼႆႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။