Popular Bible Verses from ႁေႃးတြႃး 28

Share

“ပေႃး​သူ​ထွမ်ႇဢဝ်​ၵႂၢမ်း​ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​သူ​ၸေးၸေး​ၸွတ်ႇ​ၸွတ်ႇ​ႁႂ်ႈလႆႈ​ပႂ်ႉၵမ်​ပႂ်ႉ​ၸွမ်း​ပိင်းၺၢပ်ႈတြႃး​ၸဝ်ႈ​ဢၼ်​ၵဝ်​သင်ႇ​လၢတ်ႈ​ဝႆႉ​တီႈ​သူ​ဝၼ်း​မိူဝ်ႈၼႆႉ​တင်းသဵင်ႈတင်းလူင်​ၼၼ်ႉ​ၸိုင်၊မၼ်းၸဝ်ႈ​တၵ်း​ယုၵ်ႉယွင်ႈ​သူ​လိူဝ်တွၼ်း​ၼႃႇ​သေၵူၼ်း​မဵဝ်း​ၵႃႈၼိူဝ်​လိၼ်မိူင်း​တင်းသဵင်ႈတင်းလူင်​ဢေႃႈ။

ထွမ်ႇဢဝ်​ၵႂၢမ်း​ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​သူ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊တၢင်းလီ​မၢင်ႇၵလႃႇ​ၸိူဝ်း​ၼႆႉ​တၵ်း​တူၵ်း​ႁွတ်ႈ​ၵႃႈၼိူဝ်​သူ​ဢေႃႈ။

ထႃႇဝရႃႉ​ၽြႃး၊ တၵ်း​ဢမ်ႇ​ႁႂ်ႈ​သူ​လႆႈ​ပဵၼ်​ၵူၼ်း​ဢၼ်​ၸွမ်းလင်​ပိူၼ်ႈ​လႄႈ​တၵ်း​ႁႂ်ႈ​သူ​ဢွၼ်​ႁူဝ်​မဵဝ်း​ၵူၼ်း​တင်းလၢႆ​ဢေႃႈ။ သူ​တၵ်း​ဢမ်ႇ​လႆႈ​သုမ်း​လႄႈ​တၵ်း​တေ​လႆႈ​လီ​လႆႈ​ပဵၼ်​ဢေႃႈ။ ပေႃး​သူ​ထွမ်ႇဢဝ်​ပိင်းၺၢပ်ႈ​ၸဝ်ႈ​ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​သူ​ဢၼ်​ၵဝ်​သင်ႇ​လၢတ်ႈ​တီႈ​သူ​ဝၼ်း​မိူဝ်ႈၼႆႉ​ၸိူဝ်း​ၼၼ်ႉ​ႁႂ်ႈလႆႈ​ပႂ်ႉၵမ်​ပႂ်ႉ​ၵျၢင်ႉ​လႄႈ၊

မၼ်းၸဝ်ႈ​တၵ်း​ၽုၺ်ႇ​တိူၵ်ႈ​ၽၢၼ်ႇတႃႇ​ဢၼ်​မီး​ၵႃႈၼိူဝ်​ၽႃႉၵၢင်ႁၢဝ်​ၼၼ်ႉ​ႁႂ်ႈ​ၽူၼ်တူၵ်း​ၼႂ်း​ၶိင်ႇ​ဢၼ်​သၢင်ႇထုၵ်ႇ​လႄႈ​ပၼ်တၢင်းလီ​မၢင်ႇၵလႃႇ​တီႈ​သူ​ႁႂ်ႈ​သူ​လႆႈ​ၵူႈ​ပၼ်​ယိမ်​ပၼ်​တီႈ​မဵဝ်း​ၵူၼ်း​တင်းလၢႆ​ဢေႃႈ။ တၵ်း​ဢမ်ႇ​ႁႂ်ႈ​သူ​လႆႈ​ၵူႈ​လႆႈ​ယိမ်​ဢဝ်။

“ ထႃႇဝရႃႉ​ၽြႃး၊ တၵ်း​တိုၵ်း​ပႄႉ​ရၢၼ်ႇသူႇ​သူ​မိူဝ်ႈ​ဢၼ်​ၶဝ်​တိုၵ်းတေႃး​သူ​ၼၼ်ႉ​ဢေႃႈ။ ၶဝ်​တၵ်း​ၶိုၼ်ႈ​တိုၵ်း​သူ​ၽၢႆႇ​လဵဝ်​ၵူၺ်း​သေၵေႃႈ၊တၵ်း​ဢွၼ်ၵၼ်​ၼီ​ပၢႆႈ​သေ​ၵႃႈတီႈ​သူ​ၵႂႃႇ​သီႇၸဵင်ႇ​ပႅတ်ႇ​ၼႃႈ​ဢေႃႈ။

“ ထႃႇဝရႃႉ​ၽြႃး၊ တၵ်း​ပၼ်တၢင်းလီ​မၢင်ႇၵလႃႇ​တီႈ​တၢင်း​ဢၼ်​မိုဝ်း​သူ​ႁဵတ်း​ၼၼ်ႉ​ဢိၵ်ႇတင်း​တီႈ​ယွင်​ၶဝ်ႈ​ယေး​ၶဝ်ႈ​သူ​ဢေႃႈ။ မၼ်းၸဝ်ႈ​တၵ်း​ပၼ်တၢင်းလီ​မၢင်ႇၵလႃႇ​တီႈ​မိူင်း​ဢၼ်​မၼ်းၸဝ်ႈ​ပၼ်​ႁႂ်ႈ​သူ​ပိူင်ႇ​ၼၼ်ႉ​ဢေႃႈ။

“ ထႃႇဝရႃႉ​ၽြႃး၊ တၵ်း​ပၼ်တၢင်းလီ​မၢင်ႇၵလႃႇ​မိူဝ်ႈ​ဢၼ်​သူ​ၶဝ်ႈ​ႁိူၼ်း​ဢွၵ်ႇ​ႁိူၼ်း​ၼၼ်ႉ​ဢေႃႈ။

“ ထႃႇဝရႃႉ​ၽြႃး၊ တၵ်း​ပၼ်တၢင်းလီ​မၢင်ႇၵလႃႇ​ၵႃႈတီႈ​ၼႂ်း​ဝၢၼ်ႈ​ၼႂ်း​ဝဵင်း​သူ​ဢိၵ်ႇတင်း​ၼႂ်း​ႁႆႈ​ၼႂ်း​ၼႃး​သူ​ဢေႃႈ။

“ ထႃႇဝရႃႉ​ၽြႃး၊ တၵ်း​ပၼ်တၢင်းလီ​မၢင်ႇၵလႃႇ​ႁႂ်ႈ​သူ​မီး​လုၵ်ႈ​မီး​လၢင်း​ၼမ်ၼႃႇ၊ႁႂ်ႈ​မၢၵ်ႇ​ၶဝ်ႈ​ႁူင်း​ၼမ်ႉ​သူ​လိူင်ႇ​ၼမ်​လႄႈ​ႁႂ်ႈ​ၽုင်​သူဝ်း၊ၽုင်​ဝူဝ်း​သူ​ယႂ်ႇ​ၽႄႈ​ၼမ်​ၵိုၼ်း​မႃး​ဢေႃႈ။

“ပေႃး​သူ​ပႂ်ႉၵမ်​ပႂ်ႉ​ၵျၢင်ႉ​ၸွမ်း​ပိင်းၺၢပ်ႈ​ၸဝ်ႈ​ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​သူ​ၸိုင်၊မၼ်းၸဝ်ႈ​တၵ်း​ႁႂ်ႈ​သူ​ပဵၼ်​ၵူၼ်း​ဢၼ်​မူတ်းၸၢင်ႇ​မၼ်းၸဝ်ႈ​ၸွမ်းၼင်ႇ​ဢၼ်​မၼ်းၸဝ်ႈ​ဝႆႉၵတိ​ၼၼ်ႉ​ဢေႃႈ။

“ ထႃႇဝရႃႉ​ၽြႃး၊ တၵ်း​ပၼ်တၢင်းလီ​မၢင်ႇၵလႃႇ​တီႈ​ပဵတ်ႈ​သူ​ၵူၺ်​သူ၊တီႈ​ၵွၵ်း​ဢၼ်​ၼူတ်ႈ​ၶဝ်ႈမုၼ်း​သူ​ဢေႃႈ။

ထႃႇဝရႃႉ​ၽြႃး၊ တၵ်း​ပၼ်​ႁႂ်ႈ​လုၵ်ႈလၢင်း​သူ​ၼမ်​ၵိုၼ်း​ၼႃႇ၊ႁႂ်ႈ​သူဝ်း၊ႁႂ်ႈ​ဝူဝ်း​သူ​ယႂ်ႇ​ၽႄႈ​ၼမ်​ၵိုၼ်း​ၼႃႇ​ဢိၵ်ႇတင်း​ႁႂ်ႈ​မၢၵ်ႇ​ၶဝ်ႈ​ႁူင်း​ၼမ်ႉ​သူ​လိူင်ႇ​ၼမ်​မၢၵ်ႈမီး​ၼႃႇ​ၵႃႈၼႂ်း​မိူင်း​ဢၼ်​မၼ်းၸဝ်ႈ​ဝႆႉၵတိ​တီႈ​ပူႇမွၼ်ႇ​သူ​ႁႂ်ႈလႆႈ​ဢၢပ်ႈပၼ်​တီႈ​သူ​ၼၼ်ႉ​ဢေႃႈ။

မိူဝ်ႈ​ၼၼ်ႉ​ၵူၼ်း​မဵဝ်း​ၵႃႈၼိူဝ်​လိၼ်မိူင်း​တင်းသဵင်ႈတင်းလူင်​တၵ်း​ႁၼ်​လွင်ႈတၢင်း​ဢၼ်​ ထႃႇဝရႃႉ​ၽြႃး၊ ႁွင်ႉ​ဢဝ်​ႁႂ်ႈ​သူ​ပဵၼ်​ၵူၼ်း​မၼ်းၸဝ်ႈ​ၼၼ်ႉ​သေယဝ်ႉ၊ၶဝ်​တၵ်း​ဢွၼ်ၵၼ်​ၵူဝ်ႁႄ​သူ​ဢေႃႈ။

ပေႃး​သူ​ယင်း​ဢမ်ႇ​ဝႄႈ​ပိူင်ႈ​ပႅတ်ႈ​သေ​ၶေႃႈ​သေၵမ်း၊ယင်း​ဢမ်ႇ​ႁဵတ်းဝၢတ်ႈ​ၵူဝ်းၵႂၢႆႇ​တီႈ​ၽြႃး​တၢင်ႇ​သူႇ​တၢင်ႇ​ပႃး​ၸိုင်၊သူ​တၵ်း​တေ​လႆႈ​ၶၢမ်ႇ​တၢင်းလီ​ၸိူဝ်း​ၼႆႉ​ဢေႃႈ။

“ၵူၺ်းၵႃႈ၊ပေႃး​သူ​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​သူ​ႁႂ်ႈလႆႈ​ပႂ်ႉၵမ်​ပႂ်ႉ​ၵျၢင်ႉ​ပိင်းၺၢပ်ႈ​ၸဝ်ႈ၊ဢိၵ်ႇတင်း​ထုင်းတြႃး​မၼ်းၸဝ်ႈ​ၵႃႈ​ဢၼ်​ၵဝ်​သင်ႇ​လၢတ်ႈ​တီႈ​သူ​ဝၼ်း​မိူဝ်ႈၼႆႉ​ၼၼ်ႉ​ၸိုင်၊ဢႃႉမၢင်ႇၵလႃႇ​ဢၼ်​တၵ်း​တူၵ်း​ႁွတ်ႈ​ၵႃႈၼိူဝ်​သူ​ၸိူဝ်း​ၼၼ်ႉ​ၸမ်ႉ။