Popular Bible Verses from တမၢၼ်ႇ 9

Share

ၸဝ်ႈၽြႃး​သမ်ႉ​လၢတ်ႈ​တီႈ​မၼ်း​လႄႈ​ဝႃႈ၊ “မႂ်း​ၵႂႃႇ​တႃႉ။ ၵဝ်​လိူၵ်ႈၵဵပ်း​ဢဝ်​မၼ်း​ႁႂ်ႈ​ပွင်ႁဵတ်း​ၼႃႈၵၢၼ်​ၵဝ်​ၼႂ်း​တၢင်း​ဢၼ်​ႁဵတ်း​ႁႂ်ႈ​ၸိုဝ်ႈသဵင်​ၵဝ်​ၸွတ်ႇတူဝ်ႈ​ၵႂႃႇ၊ၵႃႈတီႈ​ၵူၼ်း​တၢင်ႇၸိူဝ်ႉတၢင်ႇၶိူဝ်း​တင်းလၢႆ၊ၵႃႈတီႈ​ၶုၼ်ႁေႃၶမ်း​တင်းလၢႆ၊ဢိၵ်ႇတင်း​ၵႃႈတီႈ​ၵူၼ်း​မဵဝ်း​ ဢိသရေး၊ တင်းလၢႆ​ယဝ်ႉ။

မၼ်း​ၵေႃႈ​လူမ်ႉ​ၵႂႃႇ​ၵႃႈၼိူဝ်​လိၼ်​သေလႄႈ​လႆႈ​ငိၼ်း​သဵင်​လၢတ်ႈ​တေႃႇ​မၼ်း​လႄႈ​ဝႃႈ၊ “ သေႃးလု၊ ႟။ သေႃးလု၊ ႟။ ႁဵတ်းသင်​လႄႈ​မႂ်း​ၼိၵ်ႈၸၢၵ်ႈ​ငႅၼ်းသႄး​ၵဝ်၊” ဝႃႈ​ၼင်ႇ​ၼႆ​ဢေႃႈ။ မၼ်း​ၵေႃႈ​ၶိုၼ်း​လဝ်ႈထၢမ်​လႄႈ​ဝႃႈ၊ “ၸဝ်ႈႁဝ်း​ပဵၼ်​ၽူႈလႂ်​ၶႃႈ၊” ဝႃႈ​ၼင်ႇ​ၼႆ​လႄႈ။ သဵင်​ၼၼ်ႉ​ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ “ၵဝ်​ပဵၼ်​ ယေႇသု၊ ဢၼ်​မႂ်း​ၼိၵ်ႈၸၢၵ်ႈ​ငႅၼ်းသႄး​ၼၼ်ႉ​ယဝ်ႉ။

ဢႃႇၼၼိ၊ ၵေႃႈ​ၵႂႃႇ​လႄႈ ၶဝ်ႈ​ၵႃႈၼႂ်း​ႁိူၼ်း​ဢၼ်​ သေႃးလု၊ မီး​ယူႇ​ၼၼ်ႉ​သေယဝ်ႉ၊ဢဝ်​မိုဝ်း​တၢင်ႇ​ၵႃႈၼိူဝ်​မၼ်း​လႄႈ​လၢတ်ႈ​ဝႃႈ၊ “ၼွင်ႉ​ၵဝ်​ သေႃးလု၊ ႟။ ၸဝ်ႈႁဝ်း​ ယေႇသု၊ ဢၼ်​ပေႃႇမႃး​တီႈ​မႂ်း၊ၵႃႈၼႂ်း​ၵၢင်တၢင်း​ဢၼ်​သူ​မႃး​ၼၼ်ႉ၊ပွႆႇၸႂ်ႉ​ၵဝ်​မႃး​ႁဵတ်း​ႁႂ်ႈ​မၢၵ်ႇတႃ​မႂ်း​ၶိုၼ်း​ႁၼ်၊ဢိၵ်ႇတင်း​ႁႂ်ႈ​မႂ်း​လႆႈ​တဵမ်​ဝႆႉ​တင်း​ဝိၺိၺ်ႇ​မူတ်းၸၢင်ႇ​ၸဝ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။- မိူဝ်ႈ​ၼၼ်ႉ၊ၵမ်းလဵဝ်​ၶႅပ်း​ဢွၼ်ႇ​ဢၼ်​မိူၼ်​ၵဵတ်းပႃ​ၵွၵ်း​တူၵ်း​သေ​ၵႃႈတီႈ​မၢၵ်ႇတႃ သေႃးလု၊ ၵႂႃႇ​လႄႈ​တႃ​မၼ်း​ၶိုၼ်း​ႁၼ်​လႆႈ​မႃး​ဢေႃႈ။ မၼ်း​လုၵ်ႉ​သေလႄႈ​ၶၢမ်ႇ​ဢဝ်​မၢင်ႇၵလႃႇ​ပပ်ႉတိၸမ်ႇ​သေ​ဢေႃႈ။