Popular Bible Verses from 1 သမူၺ်ႇ 7

Share

မိူဝ်ႈၼၼ်ႉ​ သမူၺ်ႇလႃႉ၊ ဢဝ်​မၢၵ်ႇႁိၼ်​ပူၵ်းတင်ႈ​ဝႆႉ​ၵႃႈတီႈ​ဝူင်ႈၵၢင်​ဝဵင်း​ မိၸပႃႇ၊ တင်း​ဝဵင်း​ သိၼ်း၊ သေလႄႈ​ပၼ်​ၸိုဝ်ႈ​ႁႂ်ႈ​ႁွင်ႉဝႃႈ၊ ဢေႇပၼေႇၸႃႇ၊ လႄႈ​ဝႃႈ၊ “ ထႃႇဝရႃႉ​ၽြႃး၊ ၸွႆႈထႅမ်​မႃႉၸႃႉ​ႁဝ်း​မႃး​တင်း​တၢင်း​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈၼၼ်ႉ​ သမူၺ်ႇလႃႉ၊ သင်ႇ​လၢတ်ႈ​တီႈ​ၵူၼ်း​မဵဝ်း​ ဢိသရေး၊ ၸိူဝ်း​ၼၼ်ႉ​လႄႈ​ဝႃႈ၊ “ပေႃး​သူ​ပႃး​တင်း​ႁူဝ်ၸႂ်​သဵင်ႈ​သဵင်ႈ​ၶိုၼ်း​မႃး​ၸူး​တီႈ​ ထႃႇဝရႃႉ​ၽြႃး၊ လႄႈ၊ပႄႇပႅတ်ႈ​ၽြႃး​ၵူၼ်း​တၢင်ႇၸိူဝ်ႉတၢင်ႇၶိူဝ်း​ၸိူဝ်း​ၼၼ်ႉ၊ဢိၵ်ႇတင်း​ႁုၼ်ႇႁၢင်ႈ​ၼၢင်းၽီ ဢႃႇသတရိတ်ႉ၊ တင်းလၢႆ​ၼၼ်ႉ​သေယဝ်ႉ၊ဢဝ်​တူဝ်​ၸႂ်​သူ​သၢၵ်ႈၵၢပ်ႈ​တီႈ​ ထႃႇဝရႃႉ​ၽြႃး၊ လုမ်း​လုမ်း​လႄႈ​ဝႆႈသႃ​ၵူဝ်းၵႂၢႆႇ​မၼ်းၸဝ်ႈ​သူႇလဵဝ်​ၵူၺ်း​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊မၼ်းၸဝ်ႈ​တၵ်း​ၵႄႇသႄႇ​ဢဝ်​သူ​ဢွၵ်ႇ​သေ​ၵႃႈၼႂ်း​မိုဝ်း​ၵူၼ်း​မဵဝ်း​ ၽိလိတ်ႉတိ၊ ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵွပ်ႈပိူဝ်ႈ​ၼႆ​လႄႈ​ၵူၼ်း​မဵဝ်း​ ဢိသရေး၊ တင်းလၢႆ​ဢွၼ်ၵၼ်​ပႄႇပႅတ်ႈ​ႁုၼ်ႇႁၢင်ႈသၢင်းထု​ၽြႃး​ ပႃႇလႃႉ၊ ဢိၵ်ႇတင်း​ႁုၼ်ႇႁၢင်ႈသၢင်းထု​ၼၢင်းၽီ​ဢၼ်​ႁွင်ႉဝႃႈ၊ ဢႃႇသတရိတ်ႉ၊ ၼၼ်ႉ​သေယဝ်ႉ၊ဝႆႈသႃ​ၵူဝ်းၵႂၢႆႇ​ ထႃႇဝရႃႉ​ၽြႃး၊ သူႇလဵဝ်​ၵူၺ်း​ဢေႃႈ။