Popular Bible Verses from 1 သမူၺ်ႇ 28

Share

မိူဝ်ႈ​ဢၼ်​ သေႃးလု၊ ႁၼ်​တပ်ႉသိုၵ်း​ ၽိလိတ်ႉတိ၊ ၸိုင်၊မၼ်း​ၵူဝ်ႁႄ​သၼ်ႇ​ဝႆ​ၼႃႇ​လူင်လၢင်​လႄႈ၊- မၼ်း​လဝ်ႈထၢမ်​တီႈ​ ထႃႇဝရႃႉ​ၽြႃး၊ လွင်ႈ​ဢၼ်​ထုၵ်ႇလီ​ႁဵတ်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ဢေႃႈ။ ၵူၺ်းၵႃႈ၊ ထႃႇဝရႃႉ​ၽြႃး၊ ဢမ်ႇ​ဢိူဝ်​ၼႂ်း​တၢင်း​ၼွၼ်းၽၼ်ႁၼ်​လႄႈ​သင်၊ၼႂ်း​တၢင်း​ဢၼ်​ၸႂ်ႉ​ဢုရိမ်း​ဢမ်ႇၼၼ်​ႀုမိမ်း​လႄႈ​သင်၊ၼႂ်း​တၢင်း​ပရေႃးၽႅတ်ႈ​လႄႈ​သင်၊မၼ်းၸဝ်ႈ​ဢမ်ႇ​ဢိူဝ်​လႃးလႃး။

မိူဝ်ႈၼၼ်ႉ​ သေႃးလု၊ ပူင်ဢမိင်ႉ​တီႈ​ၶုၼ်​ဢၼ်​ပွင်ၵၢၼ်​ၼႂ်း​ႁေႃ​မၼ်း​တင်းလၢႆ​လႄႈ​ဝႃႈ၊ “ႁႃ​မႄႈယိင်း​ဢၼ်​ပဵၼ်​မႄႈၽီ​ၼၼ်ႉ​ပုၼ်ႈ​ၵဝ်​တႃႉ။ ၵဝ်​တၵ်း​ၵႂႃႇ​လႄႈ​တွင်ႈထၢမ်​တီႈ​မၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။ ၶဝ်​ၼၼ်ႉ​ၶိုၼ်း​လဝ်ႈလၢတ်ႈ​လႄႈ​ဝႃႈ၊ “မီး​မႄႈၽီ​ၵေႃႉ​ၼိုင်ႈ​ၵႃႈတီႈ​ဝဵင်း​ ဢိၼ်ႇတေႃးရႃႉ၊ ဢေႃႈ၊” ဝႃႈ​ၼင်ႇ​ၼႆ​ဢေႃႈ။ သေႃးလု၊ ပုတ်ႈ​လၢႆႈ​ၶူဝ်းၼုင်ႈ​ၸဝ်ႈ​သေယဝ်ႉ၊ႁဵတ်း​ႁၢင်ႈ​ဢၼ်​ပႅၵ်ႇပိူင်ႈ​သေ​ႁွင်ႉ​ပႃး​ဢဝ်​ၶုၼ်​ဢၼ်​ပွင်ၵၢၼ်​ၼႂ်း​ႁေႃ​မၼ်း​သွင်​ၵေႃႉ​လႄႈ ၵႂႃႇ​ၵႃႈတီႈ​မႄႈၽီ​ၼၼ်ႉ​ၼႂ်း​ၶိင်ႇ​ၵၢင်ၶိုၼ်း​ဢေႃႈ။ မၼ်း​တွင်ႈထၢမ်​လႄႈ​ဝႃႈ၊ “ဢိင်ပိုင်ႈ​ၽီ​ဢၼ်​မႂ်း​ႁူမ်ႈ​ပွင်း​ၼၼ်ႉ​သေလႄႈ​ႁွင်ႉ​ဢဝ်​ၶွၼ်​ၵေႃႉ​ဢၼ်​ၵဝ်​တၵ်း​လၢတ်ႈ​တီႈ​မႂ်း​ၼၼ်ႉ​ပေႃႇမႃး​တႃႉ၊” ဝႃႈ​ၼင်ႇ​ၼႆ​ဢေႃႈ။