Popular Bible Verses from 1 သမူၺ်ႇ 2

Share

ၽူႈလႂ်​ဢမ်ႇ​မူတ်းၸၢင်ႇ​မိူၼ်​ၸိူဝ်ႉ​ၼင်ႇ ထႃႇဝရႃႉ​ၽြႃး၊ လႆႈ ၽြႃး​တၢင်ႇ​သူႇ​တၢင်ႇ​ပႃး​ဢမ်ႇ​မိူၼ်​ၵၼ်​တင်း​ ထႃႇဝရႃႉ​ၽြႃး၊ လႆႈ ၽူႈလႂ်​ၵေႃႈ​ဢမ်ႇ​ႁႄႉ​ဢမ်ႇ​ၵင်ႈ​မိူၼ်​ၸိူဝ်ႉ​ၼင်ႇ​ ထႃႇဝရႃႉ​ၽြႃး၊ လႆႈ​သေၵေႃႉသေၵူၼ်း။

မၼ်းၸဝ်ႈ​ယူၵ်ႉ​ဢဝ်​ၵူၼ်းၽၢၼ်​ဢွၵ်ႇ​သေ​ၵႃႈတီႈ​မုၼ်ႈလိၼ်​လႄႈ ယူၵ်ႉ​ဢဝ်​ၵေႃႉ​ဢၼ်​ၸုတ်ႈ​ဢၼ်​လုတ်ႈ​ဢွၵ်ႇ​သေ​ၵွင်​ၶီႈ​ဝူဝ်း​သေယဝ်ႉ၊ ပၼ်​ဢၶႂၢင်ႉ​ႁႂ်ႈ​ၶဝ်​လႆႈ​ပဵၼ်​ၵေႃႉသႄႈ​လုၵ်ႈၵူၼ်း​တင်းလၢႆ​လႄႈ​ႁဵတ်း​ႁႂ်ႈ​ၶဝ်​မီး​ၵုင်ႇ​မီး​မုၼ်​ဢေႃႈ။ ထႃႇဝရႃႉ​ၽြႃး၊ ပိူင်ႇ​ငဝ်ႈႁၢၵ်ႈ​လိၼ်မိူင်း​လႄႈ မၼ်းၸဝ်ႈ​တႄႇတင်ႈ​မိူင်း​လေႃး​ၵႃႉ​ၵႃႈၼိူဝ် ငဝ်ႈႁၢၵ်ႈ​ၸိူဝ်း​ၼၼ်ႉ​ဢေႃႈ။

မၼ်းၸဝ်ႈ​ၵႅတ်ႇၶႄ​ႁႄႉၵင်ႈ​ယၢင်ႈ​တိၼ်​ၵူၼ်း​မၼ်းၸဝ်ႈ​ၸိူဝ်း​ဢၼ်​မီး​သဵတ်ႈၸႃႇ​ၼၼ်ႉ​လႄႈ တီႈ​ၶဝ်​ၸိူဝ်း​ဢၼ်​ႁၢႆႉ​ယုတ်ႈ​ၼၼ်ႉ​ၸမ်ႉ၊မၼ်းၸဝ်ႈ​ႁႂ်ႈ​ၶဝ်​လပ်း​ႁၢႆ​ၵႃႈၼႂ်း​လပ်းသိင်ႇ​ဢေႃႈ။ လွင်ႈ​မၼ်း​ၸမ်ႉ၊ၽူႈလႂ်​ဢမ်ႇ​ပႄႉၼႅင်ႇ​လႆႈ လူၺ်ႈ​တၢင်း​ၵတ်ႉ​တၢင်း​ၶၼ်​တူဝ်ၸဝ်ႈၵဝ်ႇ ၼၼ်ႉ​တီႈၶႃႈ။

မၼ်းၸဝ်ႈ​မီး​ဢႃႇၼႃႇ​ႁဵတ်း​ႁႂ်ႈ​မၢင်​ၵေႃႉ​ယၢၵ်ႈၽၢၼ်၊ဢိၵ်ႇတင်း​ႁႂ်ႈ​မၢင်​ၵေႃႉ​မၢၵ်ႈမီး​လႄႈ မၼ်းၸဝ်ႈ​ပိူင်ႇ​ႁဵတ်း​ႁႂ်ႈ​မၢင်​ၵေႃႉ​တူၵ်း​တီႈ​တႅမ်ႇ၊ဢိၵ်ႇတင်း ႁႂ်ႈ​တၢင်ႇၵေႃႉ​မီး​ၵုင်ႇ​မီး​မုၼ်​ဢေႃႈ။

ထႃႇဝရႃႉ​ၽြႃး၊ မီး​ဢႃႇၼႃႇ​ႁႂ်ႈ​ဢဝ်တၢႆ၊မီး​ဢႃႇၼႃႇ​ႁႂ်ႈ​ဢသၢၵ်ႈလိပ်း​လႄႈ မၼ်းၸဝ်ႈ​မီး​ဢႃႇၼႃႇ​ဢဝ်​ၵူၼ်း​ၶျႃးတူၵ်း​မိူင်း မရၼႃႉ၊ဢိၵ်ႇတင်း မီး​ဢႃႇၼႃႇ​ဢဝ်​ၶဝ်​ၶိုၼ်း​ဢွၵ်ႇ​မိူင်း​ငရၢႆး​မႃး​ဢေႃႈ။