Popular Bible Verses from Aposelo 1

Share

Eni wene toamikiyake Epetane Yomini kiwike awinome meoo. Nitikalepa one tele patu kautakoa kakete eya toma yawei. Anume toma yakoule kime enekoinapa ta piko peyake oa pupitikama yawei. Nipa Yerusaleme Yudea Sameria yeka yukuka takeka nitoi wa Yesuyo akeneya.

padele padele witateko oipa Agetaiyo one wene litia oi pedoa pikala toko. One eni pedoa piko toa kime oyake wene toamiki.

Wa padepete one oya-lawe-pala opia mekome nee noa mekome okome Yerusaleme ta tewitikoa poameamene. Agetaiyo kiwi auapeou wa okanakale taatekoa tomotoa eida nepia meamene. Yoneyopa ali atoa pa ue motokama yakoyake Agetaiyopa one Epetane Yomini kiwike awinomotoa moa wetekoo. Kiwike noo wane oane pikolu yatekoina ago awinoateko tigotokono, Yerusaleme tewitikoa poameneya eida nepia meamene wa akeneya.

Yesuyo tete-kala mootokoa tukale moa kamotokatekaneyake one tuake kamotadeko wa one Aposelo ali-kitame wene tomotoa tokome ele kule toa pono yametekala taneya. Nipa ta pataka padeka noi kakoa (40) ponoka toapa Akolaliyo ali atoa pawe toa talo toko ko-pala oa mekala taneya.

Nimo okalepa o yename enekakoa Yesu a tibuke moa aua pekeneya. Nipa enekoa kakoli wedome agopa takaneya.

Nitaneyake a tibuke nepikoa pikoli ali takuta ake tane mamina kakeneya kiwi kakoiya liti kotikatapea note kananeya. Nitikete ekete kiwi Galili yene a tibu dekolo pa nepikoa piki-pe. Ina Yesupa ate tibu moa aua pokanakago tibuke pokana toa dikoa wakapea nokale enoi wa edelo agotame akeneya.