Popular Bible Verses from Rome 8

Share

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

Biani, mbi hinga so mbeni ye ti kangbi e na ndoye ti Christ ayeke daa pepe: ataa kuâ, ataa fini, ataa *a-ange, ataa angangu yingo so ayeke sara komandema, ataa aye ti fadeso, ataa aye ti kekereke, ataa angangu ti nduzu, ataa angangu ti gbe ti sese, ataa mbeni ye oko so Nzapa asara, mbeni ye oko alingbi ti kangbi e pepe na ndoye so Nzapa afa na e na lege ti Jésus Christ, *Kota Gbia ti e.

Yingo-Vuru nga ayeke mu maboko na e, e so e de ti kpengba pepe so. Biani, e hinga ti sambela na legeni pepe, me Yingo wani ayeke sambela ndali ti e, lo yeke dema na lege ti atënë so zo alingbi ti tene pepe.

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Asioni nzara ti be ti zo ayeke gue na lo na kuâ; me zo so be ti lo ayeke gi na ndö ti ye so Yingo aye, fade lo yeke duti na fini nga na siriri.

Me na ya ti aye so kue, e hon na ngangu ndali ti Jésus so aye e.

Mbi baa mbi tene, apasi so e yeke baa laso so, a lingbi ti haka ni na gonda ti Nzapa pepe, gonda so lo yeke fa ni na le ti e gbanda so.

Zo wa laa alingbi ti kangbi e na ndoye ti Christ? Pasi, wala mbeto, wala aye ti ngangu, wala nzara, wala dutingo na ye pepe, wala ye ti sioni so ayeke hara e wala kuâ?

Nzapa so ayeke baa ya ti be ti zo ahinga ye so Yingo aye. Biani, Yingo ayeke sambela ndali ti azo ti Nzapa na lege so Nzapa aye.

Biani, azo so Yingo ti Nzapa ayeke fa lege na ala, ala yeke amolenge ti Nzapa.

Biani, azo so ayeke sara ye alingbi na asioni nzara ti be ti ala, be ti ala kue ayeke gi na ndö ni; me ala so ayeke sara ye alingbi na ye so Yingo aye, be ti ala kue ayeke gi na ndö ti aye ti Yingo.

Nzapa agbanzi Molenge ti lo na e pepe, me lo ka lo ndali ti e kue; fade lo yeke ke ti mu na e aye kue tongana nyen?

Yingo-Vuru wani laa ayeke tene na yingo ti e, atene: e yeke amolenge ti Nzapa. So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

Aye so kue Nzapa asara ayeke na nzara mingi ti ku ti baa amolenge ti Nzapa so lo yeke fa ande ala polele.

Biani, e hinga so laso, aye ti dunia so kue Nzapa asara ayeke baa pasi si ala yeke dema tongana wali so ayeke du molenge.