Popular Bible Verses from Rome 2

Share

Mo so mo yeke fâ ngbanga na li ti azo so ayeke sara aye so si mo nga, mo yeke sara mara ti aye ni so, mo baa ti mo, mo tene, ngbanga ti Nzapa ayeke ti ande na li ti mo pepe? So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Biani, Nzapa ayeke mu mbage ti mbeni zo pepe.

Azo so ama tënë ti Ndia gi na mê ti ala aga nzoni na le ti Nzapa pepe, me azo so asara ye alingbi na tënë ti Ndia ni laa aga nzoni na le ti lo.

lo yeke futa zo oko oko alingbi na ye so zo ni asara.

Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri