Popular Bible Verses from Rome 11

Share

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Anzoni ye ti Nzapa ayeke kota biani! Ndara ti lo na hingango ye ti lo ayeke kota ahon ndoni! Zo wa laa alingbi ti hinga nda ti fango ngbanga ti lo? Zo wa laa alingbi ti hinga tënë ti be ti lo?

Mbeti ti Nzapa atene: “Zo wa laa ahinga tënë ti be ti *Kota Gbia? Zo wa laa alingbi ti mu wango na lo?

Na ngoi ti fadeso nga, tanga ti ambeni zo angba, ala so Nzapa asoro ala na lege ti nzoni be ti lo. Nzapa asoro azo na lege ti nzoni be ti lo, lo soro ala ndali ti sarango ye ti ala pepe. Tongaso pepe, ka nzoni be ti Nzapa angba nzoni be mbeni pepe.

Azo ti Israel ayeke tongana keke ti olive ti yaka so a fâ ambeni maboko ni. Ti mo, mo yeke tongana maboko ti keke ti olive ti ngonda; a mu mo si a gerefe mo na popo ti amaboko so angba na ndö ti keke ti yaka ni. Fadeso mo lingbi nga ti baa nzoni legeoko na amaboko ti keke ti yaka ni ndali ti ngu so alondo na ya ti gunda ni. Ndani laa, mo pika kate ti mo pepe, mo tene, mo laa mo hon amaboko ti keke so a fâ ni so. Mo ye ti gonda tere ti mo? Mo laa mo yo gunda ti keke ni pepe, me gunda ti keke ni laa ayo mo!