Popular Bible Verses from Wungo ti azo 22

Share

KOTA GBIA asara si mama ti lele ni atene tënë si lo tene na Balaam: “Nyen laa mbi sara na mo si mo pika mbi fani ota so?”

Tongaso KOTA GBIA azi le ti Balaam si lo baa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Balaam akuku akpo li ti lo na sese.

Ange ti KOTA GBIA atene na lo: “Mo pika mama ti lele ti mo fani ota ngbanga ti nyen? Mbi laa, mbi ga, mbi kanga lege na mo, ngbanga ti so mbi baa so tambula ni ayeke gue na mo ti wara sioni.

Mama ti lele ni atene na Balaam: “Mbi yeke lele ti mo pepe? Mo yeke tambula na ndö ti mbi lakue pepe? Laoko mbi sara ye tongaso na mo awe?” Balaam atene: “Ên-en!”

Balaam akiri tënë na mama ti lele ni, atene: “Mo sara mbana na mbi! Tongana mbeni yongoro zeme ayeke fade na maboko ti mbi, ka mbi fâ mo na ndo so biani!”

Mama ti lele ni abaa ange ti KOTA GBIA, lo lango na sese na gbe ti Balaam. Ngonzo agbu Balaam si lo pika mama ti lele ni na keke.