Popular Bible Verses from Wungo ti azo 14

Share

Gi ye oko, ala sara ngangu li na KOTA GBIA pepe, ala sara mbeto ti azo ti kodro ni pepe, e yeke nika ala gi legeoko awe! Anzapa ti batango ala ado ala azia awe; me ti e, KOTA GBIA ayeke na e. Ala sara mbeto ti azo ni pepe!”

‘Mbi yeke KOTA GBIA, mbi yeke sara ngonzo hio hio pepe, nzoni be ti mbi asi singo, mbi yeke kanga be na ndö ti sioni na siokpari ti zo. Me zo so asara siokpari, mbi yeke zia lo senge pepe. Tongana mbeni zo asara siokpari, mbi yeke zi tënë ni na li ti lo pepe, ngbii asi na amolenge ti lo ti molongo ota ni wala osio ni.’

Tongana KOTA GBIA aye ti sara nzoni na e, fade lo yeke gue na e na ya ti kodro ni, lo yeke mu na e kodro ni, *kodro so ngu ti me ti bagara na mafuta ti wotoro asi singo daa.

Me ti Kaleb, zo ti kua ti mbi, mbeni yingo nde ayeke na lo, lo sara ye alingbi na tënë ti yanga ti mbi, nilaa mbi yeke sara titene lo li na ya ti kodro so lani lo gue, lo *bembe ndo daa; fade *ahale ti lo ayeke mu ni titene aga ti ala.

Ala tene na azo ti Israel, atene: ‘Na iri ti mbi KOTA GBIA so mbi yeke na fini, mbi deba yanga ti mbi awe. Fade mbi yeke sara ye na ala alingbi na atënë ti ala so ala tene na mê ti mbi so. So tënë ti yanga ti mbi, KOTA GBIA laa.

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Ala kasa Moïse na Aaron, atene: “Tongana e kui lani na kodro ti Ezipte, ka ayeke nzoni! Tongana e kui na ya ti benyama so, ka ayeke nzoni!

Josué, molenge ti Nune na Kaleb, molenge ti Yefune ayeke lani na popo ti azo so ague ti *bembe ndo na ya ti kodro ni, ala suru bongo na tere ti ala. Ala tene na bongbi ti azo ti Israel kue, atene: “Kodro so e gue, e bembe ndo daa so ayeke nzoni kodro mingi.

Me na iri ti mbi KOTA GBIA so mbi yeke na fini si gonda ti mbi asi singo na ndö ti sese kue: Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe. Nilaa, fade zo oko na popo ti ala ayeke baa pepe kodro so mbi deba yanga ti mbi ti mu na akotara ti ala. Azo so kue abaa mbi tongana mbumbuse zo so, mbeni oko ayeke baa kodro ni pepe.