Popular Bible Verses from Mishe 4

Share

Amara oko oko ayeke sara ye gi na iri ti anzapa ti ala; me ti e, e yeke sara ye gi na iri ti KOTA GBIA, Nzapa ti e kpu na kpu.

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.

Lo yeke fâ ngbanga na popo ti amara gbani gbani, lo yeke leke tënë na popo ti angangu mara, ngbii asi na ala so ayeke na yongoro ndo. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.