Popular Bible Verses from Awayango-sandaga 19

Share

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Tongana mbeni zo akui, ala suru tere ti ala na ka pepe, ala kpo nga anzoroko na tere ti ala pepe. Mbi laa mbi yeke KOTA GBIA.

Mo tene na bongbi ti azo ti Israel kue, mo tene: “Ayeke nzoni ala duti nde si ala duti nzoni kue, ngbanga ti so mbi KOTA GBIA Nzapa ti ala, mbi yeke nde si mbi yeke nzoni kue.

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

“Ala gi lege ti hunda yingo ti akuâ pepe wala ti atoro pepe. Tongana ala gue kâ, fade ala yeke ga *sioni. Mbi laa mbi yeke KOTA GBIA, Nzapa ti ala.

Ala du mvene na li ti azo ti kodro ti ala pepe. Ala bi tënë na li ti mba ti ala titene a fâ ngbanga ti kuâ na li ti lo pepe. Mbi laa mbi yeke KOTA GBIA.