Popular Bible Verses from Sigingo 8

Share

Me na lango ni so, fade mbi yeke sara si ti sese ti Goshen, ye ni ayeke duti nde: ndo so azo ti mbi aduti daa so, asioni vuma ni ayeke si kâ pepe. Tongaso si mo hinga, mo tene, mbi KOTA GBIA, mbi yeke na ya ti kodro so. Mbi yeke zi azo ti mbi na ya ti ye ti vundu so ayeke si na azo ti mo so. Ye ti kpene so ayeke si kekereke.’ ”

KOTA GBIA atene na Moïse: “Tene na Aaron, mo tene: ‘Yoro maboko ti mo nga na keke ti mo na ndö ti *abale, na ndö ti angu so ayeke sua na ya ti adu nga na ndö ti angu ti *alende; mo sara si akongba asigigi amu ya ti Ezipte kue.’ ”

Azo ti mazi ni atene na Faraon: “So maboko ti Nzapa laa ayeke sara kua so!” Me be ti Faraon angba ti kpengba. Lo ma Moïse na Aaron pepe, alingbi na tënë so KOTA GBIA atene.

Aaron ayoro maboko ti lo na ndö ti angu ti Ezipte si akongba asigigi amu ya ti kodro ni kue.

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon na ndembe so lo yeke gue na yanga ti *bale ti Nil. Fade mo tene na lo, mo tene: ‘Tënë so KOTA GBIA atene ayeke so: Zia lege na azo ti mbi titene ala gue, avoro mbi.

Faraon atene: “Fade mbi yeke zia lege na ala titene ala gue na benyama, ala mu sandaga na KOTA GBIA, Nzapa ti ala. Me ala gue yongoro pepe! Ala sambela ndali ti mbi.”