Popular Bible Verses from Sigingo 32

Share

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe. Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

So Aaron abaa ye ni so, lo leke mbeni gbalaka na dawa ti yanda ni. Na pekoni, lo to mbela, lo tene: “Kekereke, e yeke sara matanga ndali ti KOTA GBIA!” Lango oko na pekoni, na kota ndaperere, ala ya *sandaga so a yeke gbi ni kue na wâ, ala ga na sandaga ti beoko. Azo ni aduti ti te, ti nyon si ala londo ti sara ngia.

Lango oko na pekoni, Moïse atene na azo ni, atene: “Ala sara kota siokpari awe. Me fadeso, mbi yeke gue na li ti hoto na mbage ti KOTA GBIA. Mbi hinga pepe, mbi yeke gi lege ti sara si lo zi siokpari na li ti ala.”