Popular Bible Verses from Sigingo 2

Share

Nzapa ama demango tere ti ala si lo dabe ti lo na tënë ti mbuki ti lo na Abraham, na Isaac nga na Jacob. Nzapa abaa azo ti Israel si tënë ti ala agbu be ti lo.

Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

So molenge ni amai awe, mama ti lo ague na lo na molenge ti Faraon ti wali. Molenge ti Faraon amu lo tongana molenge ti lo si lo tene: “Ndali ti so mbi gboto lo na ya ti ngu si mbi sigigi na lo, mbi di iri ti lo Moïse.”

Molenge ti Faraon ti wali atene na mama ni: “Gue na molenge so, mo mu me na lo; fade mbi yeke futa mo ndali ni.” Wali ni amu molenge ni si lo mu na lo me.

Na pekoni, molenge ti Faraon ti wali ague ti sukula ngu na ya ti bale ni. Awali so amu peko ti lo ayeke tambula na yanga ti ngu ni. Molenge ti Faraon abaa sakpa ni na ya ti pere si lo tokua mbeni zo ti kua ti lo ti wali ti gue ti mu ni.

So Moïse aga koli awe, mbeni lâ, lo gue na mbage ti a-ita ti lo si lo baa angangu kua so a mu na ala ti sarango ni. Lo baa nga mbeni zo ti Ezipte so ayeke pika mbeni hebro, mbeni ita ti Moïse ni. Lo baa ndo mbage na mbage, so lo baa mbeni zo oko ayeke daa pepe, lo fâ zo ti Ezipte ni si lo honde kuâ ti lo na ya ti mbutu.