Popular Bible Verses from Ndia ti fani use ni 28

Moïse atene: Tongana ala ma yanga ti *KOTA GBIA Nzapa ti ala biani si ala sara ye alingbi na atënë ti ndia so kue mbi mu yanga na ala daa laso, fade KOTA GBIA Nzapa ti ala ayeke mu iri ti ala na nduzu ahon tanga ti amara ti sese so kue.

Baa, tufa so ayeke ga na ndö ti ala si ayeke ga ye ti ala, ndali ti so ala ma yanga ti KOTA GBIA Nzapa ti ala laa

Titene KOTA GBIA asara ande si ala ga mara so ayeke na li ti amara kue si ala duti na ndangba ni pepe, titene ala duti lakue na ndö ti ambeni mara nde si ala duti laoko na gbeni pepe, ye so ala lingbi ti sara ayeke so: fade ala yeke ma atënë ti ndia ti KOTA GBIA Nzapa ti ala so mbi mu yanga daa na ala laso, ala yeke bata ni si ala yeke sara ye alingbi na ni

KOTA GBIA ayeke zi le ti nduzu, ndo so lo yeke bata ngu-Nzapa daa; lo yeke sara si ngu ni apika na ngoi ni na ndö ti sese ti ala, ti sara si aye so kue ala yeke sara aga nzoni. Fade ala yeke hunda yongo na maboko ti zo oko pepe; me ala laa ayeke mu yongo na gba ti azo ti amara nde.

Tongana awato aga ti tiri bira na ala, KOTA GBIA ayeke sara si ala kinda awato ni. Tongana awato ni amu lege oko ti ga ti tiri bira na ala, fade awato ni ayeke mu alege nde nde ti kpe kirikiri na dawa ti ala, azo ti Israel.

Fade KOTA GBIA ayeke bata aye so kue ala bongbi na ya ti agogoro ti ala; lo yeke sara si aye ti ala kue aga nzoni. Lo yeke sara tufa na ndö ti ala na ya ti kodro so lo yeke mu na ala.

Fade lo yeke sara tufa na ndö ti ala na ya ti aye so kue ala yeke sara na gigi ti ala.

Fade lo yeke sara tufa na ndö ti azo so ayeke na ya ti agbata nga na azo so ayeke na ya ti ayaka.

Fade lo yeke sara tufa si ala du amolenge mingi, akobe ti ayaka ti ala ayeke le gbani gbani; abagara, ataba na angasa ti ala ayeke du gbani gbani.

Tongana ala bata atënë ti ndia ti KOTA GBIA si ala sara ye alingbi na ni, fade lo yeke sara si ala ga azo ti lo so ayeke nde si ayeke nzoni kue, alingbi na zendo so lo mu na ala.

Lo yeke sara tufa si asakpa ti ala asi singo na ale ti kobe, ata ti ala asi singo na kobe.

Fade KOTA GBIA ayeke sara si ala du amolenge mingi; anyama ti ala adu gbani gbani, akobe ti ayaka ti ala ale gbani gbani.

Fade amara ti sese kue ayeke baa so a di iri ti KOTA GBIA na ndö ti ala, tongaso amara ni ayeke duti na mbeto ti ala, azo ti Israel.

alege so mbi fa na ala, fade ala yeke zia ni ti hon mbage na mbage pepe, ala yeke mu peko ti ambeni nzapa nde pepe ti voro ala.

Moïse atene: Me tongana ala ma yanga ti *KOTA GBIA Nzapa ti ala pepe, tongana ala sara kue ti sara ye alingbi na atënë ti ndia nga na andia ti lo so mbi yeke fa na ala laso pepe, baa asioni kpale so ayeke ga na ndö ti ala si ayeke ngba na ala ayeke so