Popular Bible Verses from 2 Korente 1

Share

E gonda Nzapa, Babâ ti *Kota Gbia ti e Jésus Christ, Babâ so ayeke baa mawa ti azo mingi si lo yeke de be ti zo na ya ti aye kue! Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

Biani, legeoko tongana ti so e na Christ e baa pasi ahon ndoni, Christ ayeke de be ti e nga ahon ndoni.

E baa ti e, e tene, a fâ ngbanga ti kuâ na li ti e awe. Me ye ni asara si e kiri e zia be ti e na ndö ti ngangu ti e wani pepe, me e zia be ti e na ndö ti Nzapa so ayeke zingo azo na kuâ.

Nzapa laa ayeke sara titene mbi na ala kue, e kpengba na lege ti gango so e ga oko na Christ. Lo laa lo zia e nde ndali ti lo; lo nga laa lo zia nzoroko ti lo na ndö ti e, lo zia Yingo ti lo na be ti e ti fa atene, anzoni ye so lo bata ndali ti e, fade lo yeke mu ni kue na e.

Tongana e yeke baa pasi, so ayeke sara si be ti ala ade si ala soo kuâ. Tongana be ti e ade, so ayeke sara si be ti ala ade si ala kanga be ti ala na ya ti amara ti pasi so e nga, e yeke baa so.