Nu purfeŋnu saŋgri suŋgo ŋak ta nu nuŋe Guwa tiŋguwa le nu tane tuku ŋgamuŋgal saŋgri piletiŋguwa ŋga ye nu yabaŋet. Tane Kristus nu kumuŋ ŋga son ŋgap le nu tane tuku ŋgamuŋgal sinamŋge minwa le tane kume pur maŋau mbolŋge saŋgri tiŋgamŋgaig. Tane taŋamba minap sulumba tane Kuate tuku mbal ŋakmba ndoŋ Kristus tuku kume pur wam ta katese mayewamŋgaig. Nu tuku kume pur maŋau ta suŋgokanu o mbolŋge. Ande nu tuku kume pur maŋau suŋgo ta kila pile suluwam kumuŋ kuga. Tane lato lato kila palpe ta tane Kuate tuku maŋau ŋakmba te-puramŋgaig. Ye tanenu ŋga taŋamba Kuate yabaŋet.