Popular Bible Verses from Loos 2

Neeg 'e, thaum koj txiav txim rau cov uas ua li ntawd tiamsis koj tseem ua ib yam li lawv thiab, koj xav tias koj yuav dim qhov uas Vajtswv txiav txim lov? Lossis koj tseem saib tsis taus nws txojkev khuvleej thiab nws txojkev ua siab ntev thiab nws txojkev uas thev taus uas nws muaj nplua mias? Koj tsis paub tias Vajtswv txojkev hlub yuav coj kom koj ntxeev dua siab tshiab lov?

Vim li no, neeg 'e, tsis hais koj yog leejtwg, thaum koj rau txim rau lwm tus koj tsis muaj lus daws koj tus kheej li. Rau qhov thaum koj txiav txim rau luag kuj yog koj txiav txim rau koj thiab, vim koj twb yog tus uas txiav txim rau luag los koj tseem ua ib yam li luag ua thiab.

rau qhov Vajtswv tsis xaiv leejtwg ntsej muag li.

Rau qhov cov uas mloog txoj kevcai xwb tsis yog cov uas ncaj ncees rau ntawm Vajtswv lub xubntiag, tiamsis cov uas xyaum raws li txoj kevcai mas Vajtswv yuav suav tias yog cov uas ncaj ncees.

Rau qhov nws yuav pauj rau txhua tus raws li tej uas lawv tau ua.

Tiamsis cov uas xam pom nws tus kheej tsis ua raws li txojkev tseeb tiamsis ua raws li txojkev phem, Vajtswv yuav npau taws thiab chim rau.

Tiamsis vim nej lub siab tawv tsis yeem ntxeev dua siab, nej thiaj khaws txojkev npau taws rau nej rau hnub uas Vajtswv npau taws, yog hnub uas Vajtswv txiav txim ncaj tshwm plaws los.