Popular Bible Verses from Mathai 15

Share

Tiamsis yam uas tawm hauv neeg lub ncauj kuj yog tawm hauv lub siab los, thiaj ua rau neeg qias tsis huv. Qhov uas xav phem, tua neeg, deev luag poj luag txiv, ua nkauj ua nraug, ua tub sab, ua cuav timkhawv, iab hiam luag puavleej yog tawm hauv lub siab los.

Tsis yog yam uas nkag rau hauv lub qhov ncauj ua rau neeg qias tsis huv, tiamsis yog yam uas tawm hauv lub qhov ncauj los thiaj ua rau neeg qias tsis huv.”

“ ‘Cov neeg no hwm kuv ntawm daim tawv ncauj xwb tiamsis lawv lub siab nyob deb kuv. Qhov uas lawv pe hawm kuv tsis muaj qabhau kiag li, lawv muab neeg tej kevcai los qhia ib yam li yog Vajtswv tej lus nkaw.’ ”

Yexus txawm teb nws tias, “Mentxhais 'e, koj txojkev ntseeg loj heev, cia muaj raws li koj ntshaw.” Ces nws tus ntxhais txawm zoo kiag tamsim ntawd.

Tiamsis tus pojniam ntawd los pe thov Yexus hais tias, “Tus Tswv, thov pab kuv lauj!” Yexus teb tias, “Tsis tsim nyog muab menyuam tej mov pov rau dev noj.” Tus pojniam ntawd thiaj hais tias, “Tus Tswv, tseeb tiag, tiamsis dev yeej tau noj tej mov uas poob saum tus tswv lub rooj los.”