Popular Bible Verses from Levi Tej Kevcai 19

Share

Nej tsis txhob ua phem pauj phem lossis cib nyeej rau nej haiv neeg mus li. Nej yuav tsum hlub kwvtij zej zog ib yam li nej hlub nej tus kheej. Kuv yog Yawmsaub.

Nej tsis txhob suam nej lub cev rau qhov uas muaj neeg tuag lossis txam cim dabtsi rau nej lub cev. Kuv yog Yawmsaub.

“Cia li hais rau ib tsoom Yixayee sawvdaws tias, ‘Nej yuav tsum ua dawb huv, rau qhov kuv yog Yawmsaub uas yog nej tus Vajtswv yog tus dawb huv.

“ ‘Nej tsis txhob ntxub luag lwm tus cia rau hauv nruab siab. Nej yuav tsum ntuas lwm tus uas ua txhaum xwv nej thiaj tsis muaj txim li nws.

“ ‘Tsis txhob tig mus rau cov txiv neeb txiv yaig, tsis txhob mus nrhiav lawv ua rau nej qias tsis huv. Kuv yog Yawmsaub yog nej tus Vajtswv.

Nej tsis txhob mus mus los los taug xaiv rau hauv nej haiv neeg thiab tsis txhob ua ib yam dabtsi txov lwm tus txojsia. Kuv yog Yawmsaub.