Popular Bible Verses from Khiav Dim 32

Share

Thaum cov pejxeem pom tias Mauxe nyob ntev heev tsis nqes saum roob los, lawv txawm ua ke tuaj hais rau Aloo tias, “Koj cia li sawv tsees ua tej dab mlom rau peb uas yuav coj peb kev mus. Tus Mauxe uas coj peb tawm hauv Iyi tebchaws los peb tsis paub xyov nws ua li cas lawm.”

Yawmsaub hais rau Mauxe tias, “Koj cia li nqes mus, vim koj haiv neeg uas koj coj tawm hauv Iyi tebchaws los ntawd twb ua phem ua qias lawm. Lawv twb tig hlo ntawm txojkev uas kuv qhia rau lawv sai kawg li lawm. Lawv nchuav ib tug dab mlom thav nyuj rau lawv, thiab pe thiab tua tsiaj xyeem rau tus dab mlom ntawd thiab hais tias, ‘Cov Yixayee 'e, tej no yog nej tej dab uas coj nej tawm hauv Iyi tebchaws los.’ ”

Thaum Aloo pom li no nws txawm tib ib lub thaj xyeem rau ntawm tus dab mlom nyuj ntawd xubntiag. Mas Aloo tshaj tawm hais tias, “Tagkis yuav ua kevcai noj haus rau Yawmsaub.” Mas hnub tom qab lawv sawv ntxov mus tua tsiaj ua kevcai hlawv xyeem thiab coj tej tsiaj xyeem ua kevcai sib raug zoo. Cov pejxeem kuj zaum noj haus thiab sawv dhia ua lomzem.

Hnub tom qab Mauxe thiaj hais rau cov pejxeem tias, “Nej tau ua txhaum muaj txim loj heev. Mas nimno kuv yuav nce rov mus cuag Yawmsaub. Tej zaum kuv yuav ntxuav tau nej tej kev txhaum txim.”