Popular Bible Verses from Salmo 51

Share

Isang busilak na puso, O Diyos, ang likhain nʼyo sa akin; bagong espiritung matapat, ang ibigay sa akin.

Panumbalikin sa akin ang kagalakang bunga ng inyong pagliligtas sa akin. Bigyan nawa ako ng espiritung masunurin.

Huwag nʼyo po akong itaboy palayo sa inyong piling, at huwag nʼyo po sanang bawiin ang inyong Banal na Espiritu sa akin.

Ang handog ko sa inyo, O Diyos, ay isang pusong nagpapakumbaba, at nagsisisi sa kanyang kasalanan. O Diyos, ito ang handog na hindi ninyo tatanggihan.

O Diyos, ako poʼy inyong kaawaan sang-ayon sa inyong tapat na pagmamahal; Ang mga pagsuway koʼy inyo pong pawiin sang-ayon sa inyong pagmamalasakit sa akin. Hugasan nʼyo po ako sa aking kasamaan, at linisin nang lubos sa aking kasalanan.

Linisin at hugasan nʼyo ako sa aking mga kasalanan upang lubusan luminis ang pusoʼt kaluluwa ko.

Tanging sa inyo lamang ako tunay na nagkasala. Di kalugod-lugod sa inyong harapan ang aking ginawa. Kaya ang inyong paghuhusga sa akin ay makatarungan. Nararapat lamang na akoʼy inyong hatulan.